Τονίνεν ο βασικές λέξεις. Αφού κα διαβάνεν εκ εδάφιος, βακερέν ο λέξεις σο τθερένα τι κερέν με το σημείος σο μανγκένα τι τονίνεν. Μπορίνενα τι κερέν-λες ανταβά άμα κα ξαναβακερέν ανταλά λέξεις ή άμα κα κερέν εκ ερώτηση σο κα βοηθίνελ ι τζενέν τι αρακχέν ο βασικές λέξεις.

Τονίνεν ο σημείος. Άμα πριν τι διαβάνεν εκ εδάφιος βακερένα ο λόγος σο κα διαβάνεν-λες, εξηγίνεν σαρ ταιριάνενα ο βασικές λέξεις ι εδαφιόσκε με το λόγος ανταβά.

Σικαβέν με απλός τρόπος σαρ μπορίνενα ο τζενέ τι κερέν ο σημείος. Μα βακερέν λεπτομέρειες σο να ταιριάνενα ντα να βοηθίνενα ι τζενέν τι αγαβέν ο βασικός σημείος. Σκεφτίνεν οντουλά σο τζανένα ο τζενέ ήδη ι θεμάσκε. Σοράν, ντικχέν καζόμ πληροφορίες ισί απαραίτητες για τι αγαβέν ο τζενέ εύκολα ντα ξεκάθαρα σαρ τι κερέν ανταβά σημείος πουμαρέ ζωγιάτε.