ΑΠΟΛΕΣΘΕΝΤΑ Άμα αρακχλέν εκ πράγμας σο χασαρντάς ή μπισταρντάς εκ τζενό, πρέπει τι ανέν-λες κο Τμήμας Απολεσθέντων. Άμα χασαρντέν κάτι, τζαν κο τμήμας ανταβά ντα πουτσέν λέσκε. Ι χουρντέν σο χασαρντέ πουμαρέ νταντές ντα πουμαρέ νταγιά πρέπει τι ανέν-λεν κο τμήμας ανταβά. Όμως, για μα τι αβέλ-πες σινανέ αναστάτωση, παρακαλίνασα-τουμέν τι αρακχαβέν τουμαρέ τσσαβέν ντα τι τθερέν-λεν πασέ τουμέντε.

ΕΘΕΛΟΝΤΙΚΗ ΥΠΗΡΕΣΙΑ Άμα μανγκένα τι βοηθίνεν κι μπουτί σο πρέπει τι αβέλ-πες κι συνέλευση, παρακαλίνασα-τουμέν τι τζαν τι βακερέν-λες κο Τμήμας για Πληροφορίες ντα Εθελοντική Υπηρεσία.

ΘΕΣΕΙΣ Παρακαλίνασα-τουμέν τι τθερέν τουμαρέ γκοντιάτε ι γιαβερέν. Τι ντεν-τουμέν γκοντί ότι μπορίνενα τι ασταρέν θέσεις σάντε τουμαρέ φαμιλιάκε ντα οντουλένγκε σο ισί κο ίδιος αυτοκίνητος τουμέντζαρ, οντουλένγκε σο μπεσένα τουμέντζαρ κο ίδιος κχερ ή κερένα-λεν μελέτη κατά Γραφή. Επίσης παρακαλίνασα-τουμέν μα μουκχέν πράγματα κο θέσεις σο να κα μπεσέν.

ΜΠΟΛΝΤΙΠΕ Ο θέσεις οντουλένγκε σο μανγκένα τι μπολντιόν κα αβέν ανγκλάλ κατά βήμας, εκτός άμα κα ντιντιόν διαφορετικές οδηγίες. Οντουλά σο μανγκένα τι μπολντιόν πρέπει Σάββατος πρωί τι μπεσέν οτθέ πριν τι αρχίνελ η ομιλία ι μπολντιμάσκι. Ο τζενέ σο μανγκένα τι μπολντιόν πρέπει τι τθερέν πουμέντζαρ εκ πετσέτα ντα σεμνά σέα ι μπολντιμάσκε.

ΠΡΩΤΕΣ ΒΟΗΘΕΙΕΣ Παρακαλίνασα-τουμέν τι ντεν-τουμέν γκοντί ότι ισί σάντε για εκ μπαρί ανάγκη.

ΣΥΝΕΙΣΦΟΡΕΣ Αβιλέ-πες μπαρέ έξοδα για τι υπαρχίντιβεν θέσεις σαριλένγκε, ηχητικά, πράγματα για τι μπορίνας τι ντικχάς ο βίντεα ντα μπουτ γιαβερά υπηρεσίες σο κερένα αμαρί συνέλευση πο σουκάρ ντα βοηθίνενα-αμέν τι πλησιάνας πο μπουτ ι Ιεχωβάς. Ο συνεισφορές σο κερένα αντράλ τουμαρέ γκίσταρ βοηθίνενα κο έξοδα ανταλά ντα υποστηρίνενα ο έργος σο αβέλα-πες σαρί κι πφουβ. Για τι αβέλ τουμένγκε πο εύκολος, υπαρχίντιβενα κουτιά συνεισφορών, σο μπορίνενα τι αρακχέν-λεν, σε διάφορα σημεία κο χώρος κι συνελευσιάκο. Μπορίνενα επίσης τι κερέν εκ συνεισφορά αντράλ κατά Ίντερνετ κο donate.isa4310.com. Σαρέ ο συνεισφορές ισί μπουτ σημαντικές. Ο Κυβερνών Σώμας μανγκέλα τι ευχαριστίνελ-τουμέν σο ντένα αντράλ τουμαρέ γκίσταρ για τι υποστηρίνεν ι Βασιλεία.

ΤΑΞΙΘΕΤΕΣ Ο ταξιθέτες ισί διορισμέ για τι βοηθίνεν-τουμέν. Παρακαλίνασα-τουμέν τι συνεργαζίντιβεν λέντζαρ κάνα βακερένα τουμένγκε κατέ τι παρκαρίνεν, κατάρ τι νακχέν, καζόμ θέσεις τι ασταρέν ντα γιαβερά ασακέ πράγματα.