Jekh puti ko berš, e Jehovase svedokija hem milionija manuša ko celo sveto ćedena pe te obeležinen o dive ked o Isus mulo, sar so o Isus zapovedinđa (Luka 22:19). Akava događaj pomožini amenđe te haljova kobor tano važno odova so o Isus dinđa po životi e manušenđe. Isto ađahar, ka haljova sar olesi žrtva šaj te utičini ko amaro životi akana hem ki budućnost (Jovan 3:16).

 Bizo obzir da li aljan ki Spomen-svečanost ja na, sar šaj te koristini tuće odova so o Isus mulo amenđe? O Isus sikavđa amen so valjani te ćera duj važna buća:

1.  1. Sikljov ando Devel hem ando Isus. Ked molinđa pe pekle nebesko Dadese, o Isus phenđa: „A te šaj te dobinen večno životi, valjani šukar te penđaren tut, e jedino ćaćutne Devle, hem okole kas bićhalđan, e Isuse Hriste“ (Jovan 17:3).

2.  2. Ćer odova so sikljoveja. O Isus phenđa so valjani te primenina ko amaro životi odova so sikljovaja. Ked ićerđa i Propoved ki gora, ko krajo o Isus pohvalinđa svakone kova „šunela [olese] lafija hem ićeri len“ (Luka 6:46-48). Disavo aver puti, ov phenđa: „Akana ked odova đanena, bahtale hijen ako ađahar hem ćerena“ (Jovan 13:17).

 Da li mangeja te sikljove pobuter ando Devel hem ando Isus? Da li mangeja te đane sar šaj te primenine odova so sikljoveja? Aće kuri šaj te arakhe o savetija kola šaj te pomožinen tut.

 Amaro besplatno biblijako kurs pomožinđa butenđe te penđaren so i Biblija sikavi hem te primeninen odova ko po životi.

•   Ako mangeja te đane diso pobuter, đa ki stranica Proučin i Biblija e Jehovase svedokonencar.

•   Ako mangeja te đane sar izgledini jekh e biblijako kurs, dikh o video Šukar aljan ko toklo biblijako kurs.

 Duj putija ko kurko, e Jehovase svedokija ćedena pe ko thana kola vićinena pe Dvorane Kraljevstva. Ko odola sastankija amen proučinaja e Devleso Lafi hem sikljovaja sar šaj te primenina e biblijake sikljoviba ko amaro životi.

 Tu na valjani te ove e Jehovaso svedoko te bi aveja ko amare sastankija. Šaj te ave uživo ja te pratine len prekali video-veza. Odova zavisini ando trenutna okolnostija ki ti phuv.

•   Ako mangeja te đane pobuter, dikh o video Sar izgledinena o sastankija ki amari dvorana?

•   Ako mangeja te arakhe najpaše than kaj ićerena pe amare sastankija, đa ki stranica E Jehovase svedokonenge sastankija.

 But člankija hem videa ko akava sajt šaj te pomožinen tut te sikljove pobuter ando Isusese sikljoviba hem te haljove kobor tano važno odova so ov mulo amenđe.

 Ako mangeja te đane sar šaj jekhe manušeso meribe te koristini bute manušenđe, čitin o članko „Sar o Isus spasini amen?“ hem „Zašto je Isus morao da umre?“ ja dikh o video Sose o Isus mulo?