Ko akala nekobor kurće, ka oven izborija ko but phuvja. O manuša valjani te anen važno odluka – ko ka ovel olengo vladari.

 So phenela i Biblija?

 I Biblija mothovi save ograničenja isi len sa o manušikane vladarija.

•   „Ma uzdajinen tumen upro knezija, niti ko bilo kova manuš, sose ov našti te anel tumenđe o spasenje. Ked oleso duho ikljola olestar, ov ko praho irini pe hem ko odova dive sa olese mislija propadinena“ (Psalam 146:3, 4, fusnota).

 Čak hem o najsposobna vladarija ko krajo ka meren hem pućibe tano da li o vladarija kola ka aven palo olende ka nastavinen te ćeren odova so on ćerđe (Propovednik 2:18, 19).

 I Biblija mothovi so o manuša na hine stvorime te vladinen upro manuša.

•   „O manuš našti te upravini ni pe korakonencar“ (Jeremija 10:23).

 Ama, isi li neko ko šaj avdije te ovel šukar vladari?

 I Biblija phenela so o Devel ćhivđa e Isuse Hriste te vladini. Niko nane sposobno hem pouzdano sar oleste (Psalam 2:6). Ov tano Kralj ko Devleso Kraljevstvo – i vladavina koja tani ko nebo (Matej 6:10).

 Da li tu ka prihvatine e Isuse sar te vladare? I Biblija mothovi sose tano odova važno:

•   „Mothoven poštovanje e ćhavese [e Isuse Hristese] te na holjani o Devel upro tumende hem te na meren ko tumaro drumo, sose ov šaj sigate te holjani. Bahtale tane sare kase ov tano than kuri šaj te garaven pe“ (Psalam 2:12).

 Akana tano vreme te ane ti odluka. E biblijake proročanstvija mothovena so o Isus počminđa te vladini ko 1914. berš hem so pana hari e Devleso Kraljevstvo ka cidel sa o manušikane vlastija (Danilo 2:44).

 Ako mangeja te đane pobuter sar šaj te podržine e Isusesi vlast, dikh o članko „Stanite na stranu Božjeg Kraljevstva!“