Ko 24. maj 2022. berš, ulji jekh strašno tragedija ko Juvaldi, ko Teksas. Premalo The New York Times, „jekh manuš mudarđa 19 ćhaven hem duj učiteljice. . . ki osnovno škola Rob.“

 Nažalost, asavke strašna događaja često desinena pe. Ko USA Today pisinđa so „samo ki Amerika okova berš hine prekalo 249 puciba ki škola – pobuter nego bilo kova aver berš ando 1970.“

 Sose odola strašna događaja desinena pe? Sar šaj te borina amen odole strašno bućencar? Da li iked ka avel o dive ked o nasilje više na ka ovel? Ki Biblija šaj te arakha o odgovorija ko odola pućiba.

•    I Biblija phenela so živinaja ko „poslednja dive“ ked o manuša „ka oven bezosećajna premalo avera“ hem „okrutna“, a odova značini so ka oven but nasilna. Asavke manuša „ka oven sa pološna hem pološna“ (2. Timoteju 3:1-5, 13). Ako mangeja te đane pobuter, dikh o članko „Da li je Sveto pismo proreklo kakvi će ljudi danas biti?“

 But manuša pućena pe: „Sose o Devel na sprečini asavke strašna tragedije sar soj tano o pucibe ki škola?“ Ako mangeja te đane so i Biblija vaćeri odolestar, dikh o članko „Zašto dobri ljudi pate?“

•    „Sa so hine pisimo angleder, pisimo tano te sikavi amen hem te del amen snaga te istrajina, te bi ovel amen nada“ (Rimljanima 15:4).

 Ko akava nasilno sveto o savetija andi Biblija šaj te pomožinen tut. Ako mangeja te đane pobuter, dikh o časopis Probudite se! e temaja „Dokle će nas ugrožavati nasilje?“

 Ako mangeja te đane sar šaj o roditeljija te pomožinen pe ćhavenđe ked dikhena diso lošno ja ked šunena disave lošna vestija, dikh o članko „ako tragične vesti utiču na decu?“

•    „Ka izbavini len ando manuša kola mangena te povredinen len hem kola mučinena len“ (Psalam 72:14).

•    „Ando pe mačija on ka ćeren raonikija hem ando pe kopljija ka ćeren srpija. O narodo upro narodo više na ka vazdel mač hem više na ka sikljon te maren pe“ (Mihej 4:3).

 O Devel ka ćerel odova so o manuša nisar našti te ćeren. Oleso nebesko Kraljevstvo ka ćhinavi o nasilje ki celo phuv hem o oružje više na ka ovel. Ako mangeja te đane so ka ćerel e Devleso Kraljevstvo, dikh o članko „Pod Božjim Kraljevstvom ’posvuda će vladati mir.‘“