5. LEKCIJA
O Devel vaćeri amenđe prekali Biblija
O Jehova dinđa amen jekh but šužo poklon – i Biblija. Odija knjiga tani ćerdi ando 66 potikne knjige. Šaj pućeja tut: „Sar ulji i Biblija? Kastar avela?“ Akana ka dobina o odgovorija ko odola pućiba. Najangleder ka dikha sar i Biblija reslja đi amende.
1. Ako o manuša pisinđe i Biblija, tegani sose phenaja so oj avela ando Devel?
I Biblija pisinđe oko 40 manuša, ko period ando 1 600 berš, kotar 1513. angl. n. e. đi oko 98. berš n. e. Iako o manuša kola pisinđe i Biblija but razlikujinđe pe, odova sostar pisinđe složini pe jekh jekheja. Sar šaj te ovel odova? Odolese so i Biblija tani knjiga ando Devel. (Čitinen 1. Solunjanima 2:13.) O manuša kola pisinđe i Biblija na pisinđe pe mislija, nego „o lafija kola alje ando Devel sar o sveti duh legarđa len“ a (2. Petrova 1:21). Odolese, šaj te phena so o Devel koristinđa po sveti duh te šaj te ćhivel e manušenđe ki godi te pisinen olese mislija (2. Timoteju 3:16).
2. Ko šaj te ovel le i Biblija?
Ki Biblija pisini so „svako nacija, svako pleme, svako ćhib hem svako narodo“ šaj te šunel i šukar vest. (Čitinen Otkrivenje 14:6.) I Biblija tani prevedimi ko pobuter ćhibja nego bilo koja aver knjiga. Skoro svako šaj te čitini i Biblija, bizo obzir kaj živini ja koja ćhib vaćeri.
3. Sar o Jehova arakhlja i Biblija đi amaro vreme?
I Biblija hine pisimi ko materijalija kola na trajinđe but, sar soj tani i životinjsko koža ja o materijali kova vićini pe papirus kova hine ćerdo andi jekh biljka. O manuša kola manglje i Biblija prepisinđe la hem ađahar oj aćhilji đi ko amaro vreme. Iako disave moćna manuša manglje te uništinen la, avera hine spremna te rizikujinen po đivdipe te šaj te spasinen la. O Jehova na mukhlja nikas hem ništa te ćhinavi le te vaćeri amencar prekali Biblija. Ki Biblija pisini: „O lafi ando amaro Devel aćhola zauvek“ (Isaija 40:8).
SIKLJOV POBUTER
Sikljov pobuter ando odova sar o Devel legarđa e manušen te pisinen i Biblija, sar arakhlja po Lafi hem so ćerđa te šaj svako manuš te ovel le i Biblija.
4. I Biblija mothovi amenđe kastar avela
Dikhen o VIDEO. Palo odova čitinen 2. Timoteju 3:16, hem vaćeren ando akala pućiba:
-
Ako o manuša pisinđe i Biblija, tegani sose vićini pe e Devleso Lafi?
-
Da li verujineja so o Devel šaj hine te ćhivel pe mislija ki godi ando manuša kola pisinđe i Biblija?
Jekh sekretari šaj te pisini jekh lil, ama odola nane olese lafija nego e direktorese kova phenđa lese so te pisini. Isto ađahar, o manuša pisinđe i Biblija, ama o Devel phenđa lenđe so te pisinen
5. I Biblija preživinđa o napadija
Ako tani i Biblija ando Devel, šaj te ova sigurna so ov ka arakhi la. Sar đelo o vreme, o moćna manuša dinđe sa pestar te uništinen i Biblija. O religiozna vođe na manglje o manuša te čitinen i Biblija. Ama, but manuša hine spremna te rizikujinen po životi te šaj te arakhen la. Dikhen ko VIDEO ko hine jekh ando akala manuša hem palo odova vaćeren ando akala pućiba:
-
Ked akana dikhljan kobor o manuša rizikujinđe po životi te šaj te arakhen i Biblija, da li mangeja te đane so pisini ano late? Sose mangeja te đane?
Čitinen Psalam 119:97, hem palo odova vaćeren ando akava pućibe:
-
Sose but manuša rizikujinđe po životi te šaj te prevedinen hem te štampinen i Biblija?
6. Knjiga aso sa o manuša
Nijekh aver knjiga nane odobor prevedimi hem štampimi sar i Biblija. Čitinen Dela apostolska 10:34, 35, hem palo odova vaćeren ando akala pućiba:
-
Sose o Devel manglja oleso Lafi, i Biblija odobor te prevedini pe hem te štampini pe?
-
So sviđini pe tuće ki Biblija?
Skoro
100%
manuša ko sveto
isi len i Biblija ki ćhib koja haljona
Dostupno ko prekalo
3 000
ćhibja
celo ili ko delovija
5 000 000 000
Procenimo tano soj tani odobor štampimi,
a odova tano pobuter andi bilo koja aver knjiga
AKO NEKO PHENELA: „I Biblija tani menjimi.“
-
So tu mislineja?
-
So mothovi soj tani i Biblija e Devleso Lafi?
SO SIKLJILJAM
I Biblija tani e Devleso Lafi hem ov sa ćerđa te šaj o manuša te ovel len i Biblija.
Te ponovina
-
Sose šaj te phena so i Biblija avela ando Devel?
-
Sar upro tute utičini odova so i Biblija aćhilji đi ko amaro vreme hem soj tani odobor prevedimi hem štampimi?
-
Sar upro tute utičini ked đaneja so ćerđa o Devel te šaj te ovel amen Biblija?
RODE POBUTER
Čitin so ulo e Biblijaja sar nakhlja o vreme – ando olake prva primerkija đi o savremena prevodija.
„Sar i Biblija alji đi amende?“ (Probudite se!, novembar 2007)
Čitin sebepi kola trin bare problemija i Biblija šaj hine te na aćhol đi amaro vreme.
„Sar i Biblija aćhilji đi amaro vreme?“ (Stražarsko kula, br. 4/2016)
Dikh sar disave manuša rizikujinđe po životi te prevedinen i Biblija.
I Biblija hine but putija prepisimi hem prevedimi. Sar šaj te ova sigurna so e Devlese lafija na hine menjime?
„Da li tano menjimo o tekst andi Biblija?“ (članko ko amaro sajt)
a Sar so ka dikha ki 7. lekcija, o sveti duh tano e Devlesi sila.
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
