I Biblija phenela so o Devel mangela o manuša te ciden pe ando blud (1. Solunjanima 4:3). Ki Biblija o lafi „blud“ odnosini pe ki preljuba, homoseksualnost hem ko seks maškaro jekh murš hem jekh đuvlji kola nane venčime.

•  Sose tano važno e Devlese da li jekh par tano venčimo ili na?

•  Ako na živinaja zajedno angleder te venčina amen, sar ka đana da li hijam jekh jekhese?

•  Sar šaj jekh par te ovel le zoralo brako?

•   O Devel ćerđa o brako. Ov odova ćerđa ked stvorinđa e prvone murše hem e prvona đuvlja (Postanak 2:22-24). Ov na manglja jekh murš hem jekh đuvlji te živinen zajedno, a te na oven ko brako.

•   O Devel đanela soj tano najšukar e manušenđe. O brako tano trajno zajednica maškaro murš hem đuvlji hem sebepi odova sare ki porodica šaj te osetinen pe sigurna. Razmislin ando jekh primer. Te šaj ispravno te sklopina disavo nameštaj valjani amenđe uputstvo ando proizvođači. Isto ađahar, te šaj te ovel amen bahtali porodica, valjanena amenđe e Devlese savetija. Ako ićeraja amen ko e Devlese savetija odova tano amare šukaripase (Isaija 48:17, 18).

•   O manuša kola nane ko brako, a isi len seksualna odnosija, ka ovel len bare problemija, sar soj tane: i đuvlji te aćhol khamni iako na planirinđe, šaj te dobinen disavo nabormipe kova prenosini pe prekalo seksualna odnosija hem olenge osećanja ka oven povredime.

•   O Devel dinđa amen sposobnost te ovel amen ćhave. Anglo e Devlese jaćha o životi tano sveto hem i sposobnost te ovel amen ćhave tani poklon ando Devel. Ov mangela te cenina odova poklon ađahar so ka poštujina o brako (Jevrejima 13:4).

 I veza ki koja ili o murš ili i đuvlji šaj te đal pese ked mangela, nane ključ aso uspešno brako. Umesto odova, o ključ aso uspešno brako tano ked o solduj partnerija tane verna jekh jekhese hem zajedno rešinena o problemija. a I vernost pomožini o brako te ovel pana pozoralo (Matej 19:6).

 Nijekh brako nane savršeno. Ama, ako primeninaja e biblijake načelija, šaj te ovel amen bahtalo brako. Aće nekobor primerija:

•   Ćhiv o potrebe ando to rom ja andi ti romni anglo tekle (1. Korinćanima 7:3-5; Filipljanima 2:3, 4).

•   Barjaćeren tumaro mangipe hem poštovanje (Efešanima 5:25, 33).

•   Pazinen sar hem so vaćerena (Poslovice 12:18).

•   Oven strpljiva hem sigate oprostinen (Kološanima 3:13, 14).