Bute manušenge, o krsto tano glavno simboli bašo hristijanstvo. Iako e Jehovaskere svedokija tane hristijanja, ola na koristinena krsto a ni na obožavinena le, soske?

 Jekh pričina tani so i Biblija vakerela kaj o Isus na mulo ko krsto, nego ko obično stubo. A i dujto pričina tani so i Biblija zapovedinela e hristijanenge te „našen taro idolopoklonstvo“, so značinela te na koristinen krsto (1. Korinkjanite 10:14; 1. Jovanovo 5:21).

 Interesno tano adava so vakergja o Isus: „Taro adava sarine ka džanen kaj sien mle učenikija, ako isi tumen mangipe maškar tumende“ (Jovan 13:34, 35). Adalea istakningja kaj o znako leskere sledbenikongoro ka ovel o mangipe, a na o krsto ili nesavo javer simboli.