O Devel ka šunel amare molitve samo ako molinaja amen e Isuseske ko anav. O Isus vakergja: „Me sium o drumo, o čačipe hem o životo. Nikoj našti te avel dži ko Dad, osven preku mande“ (Jovan 14:6). Isto agjaar ov vakergja ple apostolenge: „Čače vakerava tumenge, bilo so te roden taro Dad, ov ka del tumen ko mlo anav“ (Jovan 16:23).

Javera pričine soske te molina amen e Isuseske ko anav:

•   adaleske so agjaar sikavaja čest e Isuseske hem leskere Dadeske, o Devel o Jehova (Filipjanite 2:9-11)

•   adaleske so agjaar sikavaja kaj siem blagodarna bašo adava so o Devel bičhalgja e Isuse te merel te šaj te spasinel amen (Matej 20:28; Dela 4:12)

•   adaleske so adalea priznajnaja e Isuseskiri uloga sar Posredniko maškar o Devel hem o manuša (Evreite 7:25)

•   adaleske so agjaar ceninaja e Isuseskiri služba sar Prvosvešteniko kova so šaj te pomožinel amenge te ova ko mir e Devlea (Evreite 4:14-16)