Ki Biblija isi o najmudra sovetija bašo životo. Ako čitinea i Biblija sekova dive, razmislinea bašo adava so čitinea hem primeninea adava so sikliljan, „tegani ka ove uspešno ko tlo drumo“ (Isus Navin 1:8; Psalm 1:1-3). Osven adava, ka pendžare pošukar e Devle hem leskere Čhave, e Isuse, a adava ka pomožinel tuke te ovel tut večno životo (Jovan 17:3).

Ko kova redosled šaj te čitine i Biblija? Tu šaj korkori te odlučine. Akava raspored ka pomožinel tuke te čitine o bibliska lila redoja hem tematski. Na primer, šaj te čitine delija kola so kerena lafi bašo istoriska nastanija sar o Devel postapingja e manušencar taro purano Izrael. Ili, šaj te čitine delija kote ka sikljove sar sine formirimo o hristijansko sobranie ko prvo veko hem sar barilo. Ako sekova dive čitinea o poglavja soj tane bašo adava dive, jekhe beršeske ka čitine celi Biblija.

Akava raspored šaj te pomožinel okolenge so mangena te čitinen i Biblija sekova dive, okolenge so mangena te čitinen la jekhe beršeske, a isto agjaar okolenge so prvo puti čitinena la. Perav akava raspored bašo čitibe i Biblija, printin le hem počmin čitibaja panda avdive.