O Isus džanela sar i nekoj te cidel muke adaleske so isi kriminal hem nepravda. Baši leste sine vakerde hovajba, bizo ništo sine mardo, nepravedno osudimo hem kaznimo, hem mučimo dži ko meribe. Iako na sine krivo, ov sine spremno te žrtvujnel „plo životo sar otkupnina bute dženenge“ (Matej 20:28; Jovan 15:13). Sar Cari ko e Devleskoro Carstvo, ov panda hari ka anel pravda ki celi phuv hem ka čhivel krajo bašo kriminal jekh puti zasekogaš (Isaija 42:3).

 I Biblija vakerela sar ka ovel o sveto keda o Isus ka lel o bukja ko ple vasta:

•   „O lošno nane te ovel više. Ka rode le ko leskoro than, a ov nane te ovel adathe. A o krotka ka nasledinen i phuv, hem ka uživinen ko baro mir“ (Psalm 37:10, 11).

 Sar te sikava kaj ceninaja sa adava so o Isus kergja hem panda hari ka kerel amenge? Sar so pišinela ko Luka 22:19, o Isus vakergja ple sledbenikonge te setinen pe ko leskoro meribe. Baš adaleske jekh puti ko berš e Jehovaskere svedokija khedena pe zaedno. Kaninaja tut te ove amencar keda ka setina amen ko e Isuseskoro meribe nedela 24 mart 2024.

Arakh kote ka ikerel pe i Spomen-svečenost