O manuša anena važno odluka bašo adava kas ka birinen sar vodačija.

 So vakerela i Biblija?

 I Biblija vakerela kola ograničuvanja isi sa e manušikane vodačen.

•   „Ma te ovel tumen doverba ko mokjna manuša ili ko bilo savo javer manuš, kova so našti te spasinel tumen! O duho leskoro ikljola, hem ov iranela pe ki phuv; ko adava dive čhinavgjovena sa leskere misle“ (Psalm 146:3, 4).

 Čak o najsposobna vodačija jekh dive ka meren. Isto agjaar, ola našti te garantirinen kaj o javera vodačija so ka aven pali lende, ka prodolžinen te keren sa adala šukar bukja so ola kergje (Propovednik 2:18, 19).

 I Biblija vakerela kaj o manuša nikogaš na sine stvorime te vladinen korkori pea.

•   „O manuš kova so phirela našti te upravinel ple čekorija“ (Eremija 10:23).

 Dali šaj nekoj te postavinel jekh šukar vodači ko amaro vreme?

 I Biblija objasninela kaj o Devel čhivgja te ovel vladeteli o Isus Hristos, kova soj tano najsposobno hem kaste so šaj te ovel amen doverba (Psalm 2:6). O Isus tano Cari ko e Devleskoro Carstvo, vlada koja so vladinela taro nebo (Matej 6:10).

 Dali ka birine e Isuse sar vodači? I Biblija sikavela soske tano važno akava pučibe:

•   „Poštujnen e čhave [e Isus Hristose] te šaj o Devel te na holjanel hem te na meren, soske leskiri holi šaj sigate te thabljol. Bahtale tane sa okola so o Devel tano lenge than garajbaske“ (Psalm 2:12).

 Akana tano vreme te odlučine tut. O bibliska proroštvija vakerena kaj o Isus počmingja te vladinel taro 1914 berš hem kaj panda hari e Devleskoro Carstvo ka zameninel sa e manušikane vladen (Daniel 2:44).

 Te šaj poviše te doznajne sar šaj te poddržine e Isuse sar vladeteli, čitin i statija „Poddržin e Devleskoro Carstvo panda akana!“