Ки Библија иси о најмудра советија башо живото. Ако читинеа и Библија секова диве, размислинеа башо адава со читинеа хем применинеа адава со сиклиљан, „тегани ка ове успешно ко тло друмо“ (Исус Навин 1:8; Псалм 1:1-3). Освен адава, ка пенџаре пошукар е Девле хем лескере Чхаве, е Исусе, а адава ка поможинел туке те овел тут вечно живото (Јован 17:3).

Ко кова редослед шај те читине и Библија? Ту шај коркори те одлучине. Акава распоред ка поможинел туке те читине о библиска лила редоја хем тематски. На пример, шај те читине делија кола со керена лафи башо историска настанија сар о Девел постапинѓа е манушенцар таро пурано Израел. Или, шај те читине делија коте ка сикљове сар сине формиримо о христијанско собрание ко прво веко хем сар барило. Ако секова диве читинеа о поглавја сој тане башо адава диве, јекхе бершеске ка читине цели Библија.

Акава распоред шај те поможинел околенге со мангена те читинен и Библија секова диве, околенге со мангена те читинен ла јекхе бершеске, а исто аѓаар околенге со прво пути читинена ла. Перав акава распоред башо читибе и Библија, принтин ле хем почмин читибаја панда авдиве.