Шај ли те погодине башо кова Царство кераја лафи?— Оја, адава тано е Девлескоро Царство. Акава Царство ка керел и Пхув рај. Мангеа ли те џане побутер башо акава Царство?—

Секова царство иси ле цари. О цари владинела упро мануша ки лескири пхув. Мангеа ли те џане кој тано о Цари ко е Девлескоро Царство?— Ов тано о Исус Христос. Ов живинела ко небо. Панда хари, ов ка владинел упри сариненде ки Пхув! Со мислинеа, ка ова ли радосна кеда о Исус ка владинел упри цели Пхув?—

Ка ова бут радосна! Ко Рај, о мануша нане те марен пе или те џан ки војна. Сарине ка манген пе јекх јекхеа. Нијекх нане те насваљовел хем те мерел. О короле ка дикхен, о кашуке ка шунен, хем окола со нашти те пхирен ка прастан хем ка рупинен. Саринен ка овел лен бут хајбаске. О животне ка овен амала машкар песте хем исто аѓаар аменцар да. О мануша со муле палем ка овен џивде. Са окола баши касте сиклилем ки акаја брошура, сар  со сине и Ревека, и Раав, о Давид хем о Илија, палем ка овен џивде! Мангеа ли те дикхе ту ленцар?—

О Јехова мангела тут хем мангела те ове радосно. Ако понадари да сикљовеа башо Јехова хем шунеа ле, ту ка шај засекогаш те живине ко јекх шужо рај! Мангеа ли адава?—