ЛЕКЦИЈА 03
Дали шај те овел тут доверба ки Библија?
Ки Библија иси бут ветувања хем разна советија. Шај интересинела тут адава со пишинела ки лате, ама исто аѓаар шај пхаро туке те верујне ко адава со вакерела и Библија. Дали шај те верујне ко ветувања хем советија таро добором пурано лил? Дали адава со вакерела и Библија тано корисно аменге авдиве? Хем дали шај те овел амен доверба ко адава со вакерела баши иднина? Милиоња манушен иси лен доверба ки лате. Те дикха дали туте да шај те овел тут доверба ки лате.
1. Дали о настанија ки Библија тане чачутне или измислиме?
И Библија вакерела кај ки лате иси „о точна лафија е чачипаскере“ (Проповедник 12:10). Ки лате спомнинена пе настанија кола со чаче случинѓе пе хем мануша кола со чаче живинѓе. (Читин Лука 1:3; 3:1, 2.) Бут историчарија хем археолозија потврдинѓе кај тане точна о информацие тари Библија башо несаве важна датумија, мануша, тхана хем настанија.
2. Соске шај те вакера кај и Библија тани корисно иако тани пурано лил?
И Библија бут пути спомнинела буќа кола со на сине пенџарде е манушенге ко време кеда сине пишиме. На пример, ки лате спомнинена пе несаве информацие кола сој поврзиме е наукаја. Ко време кеда сине пишиме акала информацие, бут мануша на верујнена сине ки ленде. Сепак, и наука авдиве потврдинела кај адава со вакерела и Библија тано точно. Ко лакере лафија секогаш шај те овел амен доверба (Псалм 111:7, 8).
3. Соске шај те овел амен доверба ко адава со вакерела и Библија баши иднина?
Ки Библија иси пророштвија a башо буќа со панда на случинѓе пе (Исаија 46:10). Ој точно пророкујнѓа историска настанија бут време англедер те случинен пе. Исто аѓаар, бут детално опишинѓа о условија со иси авдиве ко свето. Ки акаја лекција ка дикха несаве библиска пророштвија. Воодушевиме сием таро адава кобор тане точна!
ДОЗНАЈН ПОВИШЕ
Дикх некобор доказија кола со сикавена кај и Библија тани ко склад е наукаја авдиве. Исто аѓаар, дознајн несаве библиска пророштвија кола со исполнинѓе пе ко јекх впечатливо начин.
4. И Библија тани ко склад е наукаја
Ко пурано време, бут мануша верујнена сине кај е Пхувја икерела ла нешто. Дикх о ВИДЕОКЛИПИ.
Приметин со сине пишимо ко лил Јов англедер околу 3.500 берша. Читин Јов 26:7, а пало адава керен лафи башо акава пучибе:
-
Соске тано интересно адава со пишинела ко акава стихо?
Ко 19 веко о мануша халиле сар точно функциониринела о кружно тек е пањескоро. Сепак, приметин со сине пишимо ки Библија околу 3.500 берша англедер. Читин Јов 36:27, 28 хем Проповедник 1:7, а пало адава керен лафи башо акала пучиба:
-
Соске тано интересно со ко акала стихија тано опишимо о кружно тек е пањескоро?
-
Дали акала стихија бајрарена тли доверба ки Библија?
5. И Библија пророкујнѓа важна настанија
Читин Исаија 44:27 — 45:2, а пало адава керен лафи башо акава пучибе:
-
Кола деталија пророкујнѓа и Библија 200 берша англедер те перел о Вавилон?
И историја потврдинела кај о цари о Кир тари Персија хем лескири војска освојнѓе и диз Вавилон ко 539 берш а.а.е. b Ола менинѓе о правцо е пањескоро тари река која со заштитинела сине и диз. О порте е дизјакере сине мукхле пхравде, ола кхувѓе андре хем освојнѓе и диз бизо те марен пе. Авдиве, 2.500 берша покасно, о Вавилон панда тано ко рушевине. А акана приметин со пророкујнѓа и Библија.
Читин Исаија 13:19, 20, а пало адава керен лафи башо акава пучибе:
-
Сар исполнинѓа пе акава пророштво упро Вавилон?
О рушевине таро Вавилон ко авдисутно Ирак
6. И Библија пророкујнѓа адава со случинела пе авдиве
Ки Библија пишинела кај живинаја ко „последна диве“ (2. Тимотеј 3:1). Приметин со пророкујнѓа и Библија башо акава периоди.
Читин Матеј 24:6, 7, а пало адава керен лафи башо акава пучибе:
-
Со вакерѓа и Библија кај ка случинел пе ко последна диве?
Читин 2. Тимотеј 3:1-5, а пало адава керен лафи башо акала пучиба:
-
Со вакерѓа и Библија башо адава саве ка овен о мануша ко последна диве?
-
Саве таро адала особине дикхеа ко мануша авдиве?
НЕСАВЕ ШАЈ ВАКЕРЕНА: „И Библија сине меними хем адалеске нашти те верујна ки лате“.
-
Со мислинеа, кова тано о најсилно доказ кај шај те овел амен доверба ки Библија?
СО СИКЛИЛЕМ
И историја, и наука хем о пророштвија сикавена кај шај те овел амен доверба ки Библија.
Сар ка одговорине?
-
Дали о настанија ки Библија тане чаче или измислиме?
-
Кола буќа сикавена кај и Библија тани ко склад е наукаја?
-
Дали и Библија вакерела аменге со ка случинел пе ки иднина, хем соске мислинеа аѓаар?
ИСТРАЖИН
Дали иси научна грешке ки Библија?
Со пророкујнѓа и Библија башо „последна диве“?
„6 библиски пророштва што се исполнуваат пред твои очи“ (Стражарска кула таро 1 мај 2011)
Дознајн сар исполнинѓе пе о библиска пророштвија башо Грчко Царство.
Читин сар о библиска пророштвија поможинѓе јекхе манушеске те менинел пло стави спрема и Библија.
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
