ТЕ ПОЧМИНА РАЗГОВОРИЈА
ЛЕКЦИЈА 5
Ов тактично
Начело: „Тумаро лафи секогаш те овел љубезно“ (Кол. 4:6)
Со керѓа о Павле?
1. Дикх о ВИДЕОКЛИПИ или читин Апостолија 17:22, 23. Пало адава размислин башо акала пучиба:
-
а) Сар осетинѓа пе о Павле кеда дикхља кај бут мануша верујнена ки ховавни религија? (Дикх Апостолија 17:16.)
-
б) Наместо те осудинел лен, сар о Павле користинѓа ленгере верувања те шај те вакерел ленге о шукар хабери?
Со сикљоваја таро Павле?
2. Побари тани и шанса о мануша те шунен амен ако шукар размислинаја со, сар хем кеда ка вакера нешто.
Џа пало е Павлескоро пример
3. Шукар размислин со ка вакере. На пример, ако кереа некасаја лафи со нане тари несави христијанско религија шај ка ваљани те користине јавера лафија баши Библија или башо Исус.
4. Ма поправин одма е мануше. Мукх те вакерел со мислинела. Ако вакерела нешто кова сој појавер таро библиска сикљојба, ма акош тут леа (Јак. 1:19). Ако шукар шунеа ле ка дознајне ко со верујнела хем соске верујнела ко адава (Изр. 20:5).
5. Пробин те аракхе нешто башо со шај те согласине тут леа или те пофалине ле. Ов шај искрено верујнела кај адава со сикавела лескири религија тано чаче. Пробин те кере леа лафи башо заедничка теме. А пало адава, хари по хари поможин леске те хаљовел со чаче сикавела и Библија.
ДИКХ ХЕМ:
Изр. 25:15; 2. Тим. 2:23-26; 1. Пет. 3:15
