УРОКО 02
Э Библия дэл надежда
Дро саро миро ко мануша исы проблемы, пал савэ онэ пиридживэн и лэнгэ пхаро про ило. Тутэ исыс кэдэ нибудь адасавэ чувства? Можэт тукэ пхаро, со ту насвало или ровэл ило, со тутэ мэя родно мануш. Можэт ту думинэс: «Явэла ли джиипэн фэдыр?» Ответо, саво исы дрэ Библия дэл надежда.
1. Сави надежда дэл э Библия?
Дрэ Библия ракирэлпэс, соскэ дро миро адакэцык бут проблемы. Адякэ дрэ латэ ракирэлпэс, со Дэвэл укэдэла сарэ адалэ проблемы. Обещания э Библиятэр могут тэ дэн тукэ «бахтало будущё и лачи надежда». (Прогин Иеремия 29:11, 12.) Адалэ обещания поможинэн амэнгэ тэ ракхас лачё настроё и тэявас бахталэ, если кэ амэ исы проблемы.
2. Со дрэ Библия ракирэлпэс пал одова, со амэн дужакирэл?
Дрэ Библия ракирэлпэс, со дро будущё «мэрибэн бутыр наявэла, ни горё, ни роибэн, ни дукх бутыр наявэла». (Прогин Откровение 21:4.) Проблемы, пал савэ амэ мэнчинаспэс адасавэ сыр, чёрорипэн, хохаибэн, насвалыпэн и мэрибэн, лэн бутыр наявэла. Э Библия ракирэл, со мануша лэна тэ дживэн вечнэс дро раё прэ пхув.
3. Сыр бутыр тэ патяс дрэ одова, палсо ракирэлпэс дрэ Библия?
Бут мануша патян, со явэла фэдыр нэ онэ нанэ уверенна, со саро адякэ и явэла. Нэ надежда, пал сави ракирэлпэс дрэ Библия точно исполнится. «Кучь тэ роскэдэнпэс дро Писаниё», и ту сможэшь тэ патяс дрэ лэстэ (Деяния 17:11). Кэдэ лэса тэ сыклёс пирэ Библия. Ту кокоро сможэшь решить тэ патяс ли дрэ одова, со явэла ангил.
УҐАЛЁВ БУТЫР
Давай роскэдаса, со дрэ Библия ракирэлпэс, сыр мануша лэна тэ дживэн дро будущё. И удыкхаса, сыр надежда пал сави ракирэлпэс дрэ Библия поможинэл манушэнгэ дадэвэс.
4. Э Библия ракирэл, со амэндэ явэла лачё джиипэн
Подыкх тэлэ, со ракирэл э Библия. Саво лэндэр камэлпэс тукэ бутыр сарэндэр? Соскэ?
Прогин библейска стихи, савэ отлыджянпэс ко обещания и подуминэ:
-
Дэн ли адалэ стихи тукэ надежда? Могут ли онэ тэ дэн надежда тырэ семьякэ и тырэ другэнгэ?
Представь пэскэ джиипэн дро миро кай...
|
НИКОН НАЛЭЛА... |
САРЭ ЛЭНА... |
|---|---|
|
|
|
|
|
|
|
|
|
|
5. Библейско надежда парувэл джиипэн ко лачипэн
Мануша кэ савэ бут проблемы пэрэн илэса или кэрэнпэс холямэ. Конта отдэл пэскиро саро джиипэн ваш одова, собы тэ кэрэл адава миро фэдыр. Подыкх сыр обещания э Библиятэр, поможинэн манушэнгэ ужэ дадэвэс Подыкхэн ВИДЕО и роскэдэн вопросы.
-
Сави несправедливость удыхтя Рафика?
-
Сыр э Библия поможиндя лакэ хотя кокори проблема ячьяпэс?
Библейско надежда прэ одова, со явэла ангил поможинэл тэ наотмэкас васта и решать пэскирэ проблемы. Прогинэнте Притчи 17:22 и Римлянам 12:12, и роскэдэн:
-
Можэт ли надежда, сави дэл э Библия, тэ парувэл тыро джиипэн? Соскэ ту адя думинэс?
КОНТА МОЖЭТ ТЭ ПХЭНЭЛ: «Одова со ракирэл э Библия, дриван кучь, соб дрэ адава тэ патяс».
-
Соскэ дрэ адава чеинэ тэ роскэдэспэс?
ПОВТОРЕНИЁ
Э Библия обещает амэнгэ бахтало будущё. Адава дэл амэнгэ надежда и поможинэл решать пэскирэ проблемы.
Ваш обсуждениё
-
Соскэ манушэнгэ чеинэ надежда?
-
Со ракирэл э Библия, со амэн дужакирэл ангил?
-
Сыр надежда прэ будущё поможинэл амэнгэ ужэ дадэвэс?
ДЫКХ БУТЫР
Уґалёв бутыр сыр надежда поможинэл решать пэскирэ проблемы.
«Надежда. Кай ла тэ лакхэс?» («Пробудитесь!» 22 апреля 2004 бэрш)
Прогин пал одова, сыр надежда про будущё поможиндя манушэскэ савэстэ храническо насвалыпэн.
«Хроническо насвалыпэн — можэт ли тэ поможинэл э Библия?» (интернет-статья)
Кэдэ лэса тэ дыкхэс адава видео, представь пэс и пэскири семья дро раё, пал саво ракирэл э Библия.
Прогин пал одова, сыр парудяпэс джиипэн екхэ манушэскиро саво исыс гражданско активисто. Э Библия поможиндя, собы лэстэ тэявэл надежда прэ одова, со явэла ангил
«Дадэвэс мэ ужэ надуминав, со должэн тэ парував адава свэто» («Сторожевая башня» 1 июля 2013 бэрш)
