Phen tuke, so hin tiro cjeľos. Rozmišľin, či kames tire prejavoha ča te phenel varesavi informacija. Abo te presvedčinel pal varesoste. Abo te del le manušen zor the dzeka te kerel oda, pal soste vakeres. A paľis dikh, či dojekh hlavno bodos hazdela upre oda, so kames te dochudel.

Hazde upre e tema, pal savi vakeres. Andro prejavos buterval leper e tema avka, hoj opakineha sar pes vičinel tiro prejavos. Aľe na mušines oda furt te kerel ole iste lavenca.

O hlavna bodi rozkide lokes. Kide tuke avri ča ajse hlavna bodi, so zaperen andre tema. Ča ajse, pre save tut ela dos časos lačhes len te rozkidel. Ma thov andro prejavos but hlavna bodi. O hlavna bodi rozkide avka, kaj savore te achaľon keci hine a ker maškar lende prestavki. Šukares predža jekh pal aver.