Šaj imar?
Šaj imar phirav andre služba le zboroha?
Šaj ačhes naboldo zvestovaťeľis, te...
rado študines e Biblija, rado vakeres le Devleha a tiš na mukhes avri o zhromažďeňa.
jilestar paťas oda, so sikhľos a kames pal oda te vakerel the avrenca.
cale jilestar rado dikhes le Jehovas a phires olenca, so tiš rado dikhen le Jehovas.
tut na chal ňič la politikaha a sal pisimen avri andal e falošno vjera.
imar džives avka sar phenel o Jehovas a kames te ačhel jekh le Jehovaskere svedkendar.
Te ada savoro keres, phen oleske, ko tut sikhľarel, hoj kames imar te phirel le zboroha andre služba. Ov oda phenela le zborove phurederenge, kaj pes tuha te arakhen. Povakerena tuha, sar šaj ačhes naboldo zvestovaťeľis.
Šaj man imar dav te bolel?
Šaj tut des te bolel, te...
sal imar naboldo zvestovaťeľis.
te phires andre služba ajci, keci pes tuke del.
šunes u keres pal oda, so phenel „verno the goďaver sluhas“. (Matúš 24:45–47 NZ)
diňal vera le Jehovaske andre modľitba, hoj kames leske te služinel pro furt.
Te ada savoro keres, phen oleske, ko tut sikhľarel, hoj tut kames te del te bolel. Ov oda phenela le zborove phurederenge, kaj pes tuha te arakhen. Povakerena tuha, so te kerel, kaj te aves boldo.
