I rotrouv pa lo mo Halloween dan la Bib, in fèt ké bonpé i fé lo 31 oktob chak lané. An plus ké sa, son bann tradision é ousa li sort i akord pa avèk sak la Bib i amont.

Dan lartik la

•  Kèl koté Halloween i sort é son bann tradision

•  Èské vréman i déranj ké Halloween néna zorijine payen ?

•  Ousa lo non « Halloween » i sort ?

•   Samain: Nou pé di ké Halloween i romont dépi la fèt Samain, in « lansien fèt payen ké bann Sèlt té sélèb néna plis 2000 zané d’sa », i di dann The World Book Encyclopedia. « Dann tan la, bann Sèlt té kroi ké bann mor té gingn march an parmi bann vivan lo jour la. Pandan fèt la, bann vivan té pé alé oir bann mor » (Alé oir «  Ousa lo non Halloween i sort ? »).

•   Dégizman Halloween, bann bonbon, « in bonbon ou la malis »: Dapré in liv, détroi Sèlt té mèt bann linj k’i rosanb lo mor pou ké bann mové zèspri « noré kroir ké banna té kom zot » é noré lès azot trankil. Dot té i done bonbon bann zèspri pou kalm azot. a

   Dann tan lansien Lérop, bann chèf légliz katolik, ké lavé pran sé bann tradision payen ké té égzis déja, la domand zot bann fidèl alé kaz an kaz dégizé pou domand bann ti kado.

•   Fantom, vanpir, lougarou, sorsièr é zonbi: Dépi lontan, bann bébèt la, lé amaré ansanm lo mond mové zèspri. I koz su zot kom bann « mons surnaturèl », lo liv Halloween Trivia i di ké bann bébèt la lé « vréman konèkté ansanm la mor, sak lé mor é la pèr la mor ».

•   Sitrouiy k’i éklèr pou Halloween: Dann tan lansien Grand-Brétagn, domoun « té pas kaz an kaz pou domand manjé kont in priyèr pou lo mor » é zot lavé « bann lanp, ké té fé ansanm navé, é anndan la, té mèt in bouji pou roprézant in lam ké lété anfèrmé dann purgatoir ». (Halloween—From Pagan Ritual to Party Night) Dan dot liv i di osi ké té utiliz lo bann lanp pou fé chap lo bann mové zèspri. Dann lépok 1800, dann péi Lamérik lo Nor, bann sitrouiy la ranplas bann navé, akoz lo sitrouiy lavé in bonpé partou, é lété pli fasil pou dévid é travay ali.

 Oui. Mèm si détroi moun i oi Halloween kom in fèt ké la poin d’mal, lo bann pratik lo fèt la, i akord pa ansanm sak la Bib i amont. Halloween lé bazé su bann fo kroiyans su bann mor é bann zèspri ké nou oi pa, bann démon.

 Agard bann vèrsé i vien apré k’i amont sak Bondié i pans su bann kroiyans ké lé mayé ansanm Halloween :

•   « Ké i trouv pa in moun dan out kaz […] k’i apèl bann zèspri ou bann spirit, ou in moun k’i poz kèstion lo mor » (Détéronom 18:10-12, La Bib Segon).

   Sak i vé dir : Bondié i èm pa kan in moun i rod rant an kontak èk lo mor. Li èm pa non pli sak i fé sa jus pou amuzé ou pou fé sanblan.

•   « Sak lé mor i koné pa rien » (Éklézias 9:5).

   Sak i vé dir : Parské lo mor i rand pu li kont rien, banna i gingn pa koz avèk sak lé vivan.

•   « [Alé pa] may azot èk bann démon. Zot i pé pa boir la koup lo Sénièr èk la koup bann démon » (1 Korintien 10:20, 21, La Bib Jéruzalèm).

   Sak i vé dir : Sak i vé fé plézir Bondié i doi rojèt tout lamayaj èk bann démon.

•   ‘Alon rézis kont bann manigans lo Diab ; parské nou néna pou konbat […] kont bann mové zèspri puisan’ (Éfézien 6:11, 12).

   Sak i vé dir : Bann krétien i doi opoz azot kont bann mové zèspri puisan é pa kraz in lanbians ansanm zot.