In foi dan lané, su tout la tèr, bann Témoin Jéova avèk bann domoun par milion ké zot la invité i rasanm azot pou fé in rénion èspésial an souvnans la mor Jézu. Zot i fé sa pou fé mont zot lobéisans pou lo komandman ké Jézu li mèm la doné. (Luk 22:19) Rénion souvnans la i èd anou konpran ké lo sakrifis ké Jézu la fé kan li la done son vi pou tout domoun néna si tèlman la valèr. Sa i amont anou osi kèl bénédiksion nou va gingné dépi koméla mèm èk dann lavnir gras son sakrifis. (Jan 3:16).

 Si sèt ané ou gingn ni Mémoryal é mèm si ou gingn pa ni, kosa ou pé fé komsa ou gingn bann bénédiksion gras lo sakrifis Jézu ? Jézu la amont anou dé zafèr inportan pou fé :

1.  1. Aprann konèt Bondié èk Jézu. Kan li la pri son Papa ké lé dann sièl, Jézu la di komsa : « Ala kosa i fo fé pou gingn la vi pou toultan : i fo ké zot i aprann konèt aou, lo sèl vré Bondié, èk Jézu Kris ké ou la anvoyé. » (Jan 17:3).

2.  2. Mèt an pratik sak nou aprann. Jézu la bien fé konpran ké nou doi mèt sak nou aprann an pratik dan nout vi. Kom par égzanp kan li lavé fini son prèchman ké lé bien konu, é ké i apèl lo Sèrmon dési la montagn, li la félisit chak moun ké « i antan [son] bann parol é i mèt ali an pratik. » (Luk 6:46-48) Dan in not lokazion osi li la di : « Si zot i sézi sak moin la pou di azot, zot va konèt kontantman si zot i mèt ali an pratik. » (Jan 13:17).

 Èské zot i èmré konèt plis dési Bondié èk Jézu ? Èské zot i voudré gingn détroi ti konsèy pou konèt koman mèt an pratik sak zot i aprann ? Ala koman i fo fé.

 Nout bann létud la Bib la èd in ta domoun konèt la Bib é mèt son lamontraj an pratik dan zot vi.

•   Alé su la paj létud la Bib pou konèt plis su bann létud la.

•   Rogard lo ti vidéo Prézantasion pou fé in diskusion biblik vivan pou oir koman i èspas in létud la Bib avèk bann Témoin Jéova.

 Bann Témoin Jéova i fé zot bann rénion dé foi dan la somèn dan La Sal lo Roiyom. Dann bann rénion la zot i étudié la Bib é zot i réfléchi koman mèt son bann lamontraj an pratik dan zot vi.

 Pa bézoin èt Témoin Jéova pou ni nout bann rénion. Tout domoun lé lo bienvnu. Dapré lo situasion dan landroi ousa zot i abit, zot i pé ni bann rénion la an vré oubien sa suiv ali su intèrnèt.

•   Rogard lo vidéo Kosa i èspas dan in Sal lo Roiyom ? pou gingn in gayar ti lavan gou.

•   Alé su la paj Rénion bann Témoin Jéova pou trouv ousa néna in sal pa loin out kaz.

 Su nou sit intèrnèt néna bonpé sujé èk vidéo ké i pé èd azot aprann in pé plis su bann lamontraj Jézu é osi su la valèr ké son sakrifis néna.

 Par égzanp, pou konèt koman in gran kantité domoun i pé gingn bénédiksion gras la mor in sèl bonom, lir lo sujé « Koman Jézu i sov anou ? » é osi « Pourquoi Jésus a-t-il souffert ? Pourquoi est-il mort ? » oubien rogard lo vidéo Poukosa Jézu lé mor ?