Domoun par miliar i di zot lé krétien. Mé zot tout la poin le mèm kroiyans, ni le mèm fason d’viv. Alor, koman rekonèt bann vré krétien ?

1. Kosa i lé in krétien ?

Bann krétien sé bann disip Jézu Kris (lir Akt 11:26). Koman zot i mont ke zot i suiv Jézu ? Jézu la di : « Si zot i kontinué suiv mon bann parol, zot lé vréman mon bann disip » (Jan 8:31). Sa i ve dir ke bann vré krétien i obéi bann zansègnman Jézu. An plus, Jézu la baz son bann zansègnman su bann Zékritur ; donk bann vré krétien i doi avoir bann kroiyans bazé su la Bib (lir Luk 24:27).

2. Koman bann vré krétien i mont ke zot i ièm azot inn é lot ?

Jézu la di son bann disip : « Èm azot inn é lot kom ma la èm azot » (Jan 15:12). Koman Jézu la montré ke li té ièm son bann disip ? Li la pas le tan èk banna, li la ankouraj azot é li la èd azot. Li la mèm donn son vi pou banna (1 Jan 3:16). Osi, bann vré krétien i fé plus ke koz su lamour. Zot lamour pou inn é lot i voi dan sak zot i di é dan sak zot i fé.

3. Kèl laktivité bann vré krétien i fé ?

Jézu la donn in travay son bann disip. « Li la anvoiy azot prèch le roiyom Bondieu » (Luk 9:2). Bann premié krétien té prèch pa rienk dan bann zandroi ousa zot té ador Bondieu, zot té prèch osi dan bann zandroi ousa lavé domoun é de kaz an kaz (lir Akt 5:42 é 17:17). Zordi osi, bann vré krétien i prèch bann vérité biblik partou. Kom zot i ièm domoun, zot lé kontan utiliz zot tan é zot fors pou fé konèt le mésaj léspoir èk rékonfor ke néna dan la Bib (Mark 12:31).

 ALON APRANN PLUS

4. Zot i rod la vérité dan la Bib

5. Zot i prèch bann vérité ke néna dan la Bib

 6. Zot i mèt an pratik sak zot i prèch

Kosa la konvink in mesieu ki apèl Tom ke li lavé trouv bann vré krétien ? Gard le VIDÉO é koz su bann késtion ki vien apré.

• Kosa la pous Tom rejèt la relijion ?

• Poukosa li té sur ke li la trouv la vérité ?

Sak nou fé lé plus inportan ke sak nou di. Lir Matieu 7:21 é koz su késtion la :

• Kosa lé le plus inportan pou Jézu : di nou lé kroiyan oubien prouv sa par nout bann zaksion ?

7. Zot i ièm azot inn é lot

• Koman bann disip Jézu (bann vré krétien) i konsidèr bann domoun in not ras oubien in not péi ?

• Koman zot i aji èk bann domoun la, kan néna in gèr ?

 SAK NOU LA APRANN

Bann vré krétien i suiv bann zansègnman la Bib, zot i ièm azot vréman inn é lot é zot i prèch bann vérité ke néna dan la Bib.

Alon révizé

• Su kosa bann vré krétien i baz zot kroiyans ?

• Kèl kalité i pèrmèt rekonèt bann vré krétien ?

• Kèl laktivité bann vré krétien i fé ?