VIZIT
LOSON 8
Travay la pasians
Prinsip la Bib : « Lamour lé pasian » (1 Kor 13:4).
Sak Jézu la fé
1. Rogard la VIDÉO oubien lir Jan 7:3-5 é 1 Korintien 15:3, 4, 7. Aprésa réfléchi su bann kèstion i vien apré.
Rotien sa
2. Néna domoun i pran plis lo tan ké dot pou aksèp la vérité ; donk i fo ou lé pasian.
Fé parèy Jézu...
3. Chanj out fason fé. Si lo moun la pa tro anvi komans in létud la Bib, fors pa li. In not jour, mont ali in vidéo ou in publikasion ké va èd ali oir koman i èspas in létud la Bib é kosa va aport ali.
4. Domoun lé pa parèy. Na poin in moun lé kom in not. Si in famiy aou, in moun ké ou vizit i vé pa étudié la Bib, oubien i aksèp pa tro inn nout bann kroiyans, ésèy oir poukosa. Èské li lé afon dan son rolijion ? La famiy oubien son bann voizin i mèt présion dési li ? Somanké li la bézoin lo tan pou réfléchi su sak ou la di dési la Bib.
5. Pri pou lo moun. Domand Jéova èd aou oir lo moun an bien é èd aou koz èk rèspé. Rod osi lèd Bondié pou oir si lo moun lé vréman intérésé oubien si fo arèt vni oir li (1 Kor 9:26).
