Trabajo illaj quidana quiquinba difícil cajpipash quiquinba familiapajpashmi difícil caita ushan. Trabajo illaj quidashca cajpica cai temapi yuyaicunami ayudaita ushan. Cai temamanda yuyaicunaca Bibliamanda japishca consejocunami can.

•   Quiquin imashina sintirijushcata shujcunaman parlapai.

   Bibliapica cashnami nin: “Ali cumbaguca paipaj cumbataca, tucui causaipimi juyajun” (Proverbios 17:17).

   Trabajo illaj quidashca jipaca llaquilla, culira o imapapash na valinichu nishpami llaquilla sintirita ushapangui. Trabajo illaj quidashcamanda imashina sintirijushcataca quiquinba familiaman o amigocunaman parlajpica paicunaca quiquin tranquilo sintichun ayudaita ushan. Shinallata cutin shuj trabajota tarita ushachunmi paicunaca ali consejocunata cushpa ayudaita ushan.

•   Ama yapata preocuparipai.

   Bibliapica cashnami nin: “Cayandi punllamandaca nunca na pinarijunachu capanguichi. Porque cayandi punllapashmi imapash pinarinacunaca tianga” (Mateo 6:34).

   Bibliapica shamuj punllacunapi imata ruranata yachachunmi animan (Proverbios 21:5). Shinapash cayandi punllacuna ima pasanamanda ama yapata preocuparichunmi consejan. Talvez imahorapash na pasana cosascunamanda yapata preocuparinapa randica cada punlla imata rurai ushashcapimi pensarita ushapangui.

   Cunanbi ama yapata estresado sintirichunga Bibliapa consejocunami quiquindaca ayudaita ushan. “Estresado cashpaca caita rurapai” nishca tematami liita ushapangui.

•   Culquita imapilla gashtajushcata ricushpa cambiocunata rurapai.

   Bibliapica cashnami nin: “Ashtacata charishpa o nimata na charishpapash chaicunahuanlla causanatami yachajupashcani” (Filipenses 4:12).

   Cunanbi imashna culquita charishcata ricushpami pundashnaca ñana yapata gashtaita ushapangui. Na minishtirishca cosascunatara randingapaj culquita dibitucunamanda cuidaripai (Proverbios 22:7).

   Ashalla charishca culquihuan causanata yachajungapaca “Imashinata ashalla culquihuan causaita ushanchi” nishca tematami ricuita ushapangui.

•   Quiquinba tiempota aliguta aprovechapai.

   Bibliapica cashnami nin: “Ali yachaihuanmi causana capanguichi. Tiempotapash aligutami aprovechana capanguichi” (Colosenses 4:5).

   Trabajoman ringapaj shuj horariota ñana charishpapash chai horascunapi imacunatalla rurai ushashcatami ricuita ushapangui. Shina rurashpami tiempogutaca aliguta aprovechapangui shinallata quiquinllatami ali sintiripangui.

•   Cunanbi imata rurai ushashcapi pensaripai.

   Bibliapica cashnami nin: “Tucui imata rurashcamandapash, japina tianmi” (Proverbios 14:23).

   Pundashna charishca trabajota na tarishpapash diferente trabajopi trabajanata pensaripai. Shinallata chai trabajocunapica punda charishca trabajopi paganshnaca talvez na pagangachu.

•   Trabajota mascanata ama shaijupai.

   Bibliapica cashnami nin: “Tutamanda muyuta tarpushpaca, chishimambash na samashpa tarpunguilla. Punda tarpushca, jipa tarpushca, maijan ali canatapash na yachanguichu” (Eclesiastés 11:6).

   Trabajota mascashpaca catipai. Trabajota mascajushcataca quiquinba familiacunaman, rijsicunaman, cumbacunaman y vecinocunamanmi parlaita ushapangui. Trabajota cuj oficinacunamanmi rita ushapangui shinallata periodicopi anunciocunatapashmi ricuita ushapangui. Trabajomanda ashtaca entrevistacunata cugrinata shinallata ashtaca hoja de vida nishcata jundachinata yaipi charipai.