Yangamanda juchachishpa llaquichijpi gentecuna imasha sufrijtaca Jesusca alimi yachan. Jesusca yangamandami juchachi tucurca, macai tucurca, maltratai tucurca, juzgai tucurca y llaquinaita huañuchi tucurca. Paica na culpata charishpapash “shuj preciota paganshna paipa causaita cushpa ashtaca gentecunata libre saquingapami shamurca” (Mateo 20:28; Juan 15:13). Cunanga Jesusca Taita Diospa Gobiernopi Reymi can. Paica ñallami cai alpapica justiciata rurashpa, tucuilla nali ruraicunataca para siempre tucuchishpa saquinga (Isaías 42:3).

 Bibliapica nali ruraicunata Jesús tucuchijpi ima canatami cashna nishpa villajun:

•   “Cunanmanda asha punlla jipaca, nali runaca illangami. Pai tiajushca pushtuta can ricujpica, chaipica illangami. Ashtahuangarin na jariyajcunami, llactataca japinga. Casilla ali causaihuanmi ninanda cushijunajunga” (Salmo 37:10, 11).

 Jesús ñucanchimanda huañushcamanda y jipa punllacunapi imata ruranata yachashpaca ¿imashinata agradecido cashcata ricuchita ushapanchi? Rurashcata y shamuj punllacunapi imata ruranatapash ¿imashinata agradici ushapanchi? Jesusca paipa catijcunamanga Lucas 22:19​pica paipa huañushca punllata yuyarichunmi mandarca. Chaimandami testigo de Jehovacunaca cada huata Jesús huañushca punllata yuyarinchi. Jesús Huañushcata Yarina Tandanajuiman o Conmemoracionman shamuchunmi quiquindapash invitapanchi. Cai huataca domingo 24 de marzotami capanga.

Conmemoración maipilla tianata mascapai