Jesusca huata 33​pimi huañurca. Causarishca jipaca jahua cieloman rishpami, ashtaca huatacuna jipaca Rey tucurca (Daniel 7:​13, 14). Shamuj punllacunapica Jesusmi ali causaita caramunga. Pipash na yarjachingachu. (Salmo 72:​7, 8, 13, liipangui.)

Jesús mandashpaca tucuilla gentecunapa juchatami anchuchinga. Tucuillacunami cai Alpapica cushilla causanga. Pipash na rucuyangachu, pipash na huañungachu. (Juan 5:​26-29; 1 Corintios 15:​25, 26, liipangui.)

Jesusca paipa catijcuna villachichunmi ricuriajun. Chaimandami paicunaca Diospa Reinomanda Bibliahuan yachachingapaj gentecunataca visitan. Jesusca nircami, Alpapi tucui gobiernocunata anchuchishpa Diospa Reino mandai callaringacamanmi villachichun, yachachichun ayudajusha nishpa. (Mateo 24:​14; 28:​19, 20, liipangui.)

Jesusca congregacionbimi gentecunataca ali causachun ayudan. Shinallata, Ninan Manllanai Llaqui Punllacunamanda salvarichunmi paipa catijcunataca ayudanga. Paraíso Alpagupipashmi Jesusca ayudanga. (2 Pedro 3:​7, 13; Apocalipsis 7:​17, liipangui.)