Huañushpaca ashtaca gentecunami cieloman ringapaj munan. Jesusca paipa ali apostolcunami cieloman ringa nishpami nara ­huañushpaca­ nirca, cangunapash ñuca Taitahuan cielopi cachunmi shuj pushtuguta seguragrini nishpa. (Juan 14:​2, liipangui.)

¿Imamandata huaquingunaca cieloman ringapaj causaringa? Cieloman rishpaca ¿imatashi ruranga? Jesusca nircami, apostolcuna cieloman rish­paca reycunami canga. Paicunami cai Alpataca cielomanda mandanga nishpa. (Lucas 22:​28-30; Apocalipsis 5:​10, liipangui.)

Imashinami huaquin gentecunalla llactacunapica mandan, shinallatami Jesús agllashcacunalla cielopi causarishpa cai Alpata mandanga (Lucas 12:32). Bibliaca mashnacuna cieloman rishpa mandanatapash villajunmi. (Apocalipsis 14:​1, liipangui.)

Huaquingunalla cieloman rijpipash, ashtaca gentecunami Jesusta cazushpaca shuj juyailla paraíso Alpagupi unai unaicaman causai ushanga (Juan 3:16). Huaquingunaca nali gentecunata tucuchina punllamanda salvarishpami paraíso Alpagupi causanajunga. Cutin shujcunaca paraíso Alpagupi causajuj punllacunapimi chaipi causangapaj causaringa. (Mateo 5:​5; Juan 5:28, 29 liipangui.)