4. Familiapi juyai tucurijpi
4. Familiapi juyai tucurijpi
Familia ucupica ‘pitapash na juyajcunami tianga’ (2 TIMOTEO 3:1-3).
● Chrisca, Norte de Gales llactamanda asociación contra la violencia doméstica nishcapimi trabajan. Paica ninmi: “shuj punllaca shuj huarmigu shamujpica ninanda macai tucushcamandami paitaca rijsitapash na rijsi usharcani”. Shinallata ninbashmi: “ayudata minishtishpa shamushca huaquin huarmigucunaca psicológicamente manllanaita maltratai tucushca caimandami umata alzashpa ricuitallapash na ushanllu” ninmi.
INVESTIGACIONGUNACA ¿IMATATA RICUCHIN? Africamanda shuj llactapica casi 30 por ciento huarmigucunaca uchilla huahuagu cashpallatami violai tucushca. Chai llactapi huarmigucunata macanaca alichu can nishpa tapujpica ashtacacunami huarmicunata macanaca normal can nishcami. Shinapash familia ucupica jaricunapashmi maltratai tucushpa causan. Canadá llactapica casi 30 por ciento jaricunami paipa huarmillata macajpi ninanda humillai tucushpa causan.
¿IMATATA HUAQUINGUNACA NISHCA? Familia ucupica siempremi maltratoca tiashca. Shinapash cunanbimi maltratai tucushcacunataca ashtahuan difindi callarishca.
¿CHAICA CIERTOCHU CAN? Cai último huatacunapica ashtaca gentecunami shujcunata maltratanaca nali cashcata cuenta japishca. Shinapash maltratocunaca na bajarishcachu. Ashtahuangarin familia ucupi juyai ñana tiaimandami maltratoca ashtahuan mirashpa catishca.
¿IMATATA YUYAPANGUI? ¿2 Timoteo 3:1-3pi shimicunaca pactarijunllu? Cunanbica ¿juyaita ricuchishpachu familia ucupica causan?
Cati profecía imashina pactarijujta ricupashun. Cai profeciaca cai mundo entero alpamandami parlan. Bibliapi caimanda ima nijta ricupashun.
[Comentario]
“Familiapurapi maltratai tucushca gentecunaca shina maltratai tucushcamandaca casi nunca na denuncianllu. Shuj huarmiguca 35 viajecunata maltratai tucushca jipami talvez denuncianataca dicidinga”. (PORTAVOZ DEL SERVICIO DE AYUDA CONTRA EL MALTRATO DOMÉSTICO DE GALES)