Ashtacacunami shujcuna nalicunata rurajta, ali gentecunata maltratajta ricupashcanchi. ¿Ima punllapash, nalicunata rurana, shujcunata maltratanaca tucuringacha?

Bibliapimi chai tapuitaca contestan, imata ruranatapash nin. Ricupai cai tapuicunamanda parlashpami Salmo 37​pica cashna nin:

• Pipash ñucanchita nali tratajpica ¿imatata rurana capanchi? (versículo 1, 2).

• Nali gentecunaca ¿imata tucunga? (versículo 10).

• Ali gentecunaca ¿imashinata causanga? (versículo 11, 29).

• ¿Imatata cunanllata rurana capanchi? (versículo 34).

Salmo 37​pica ninmi, ‘Mandaj Diosta shuyashpa, pai mandashcata cazujcunaca’ jipacunamanga ali causaitami charinga nishpa. Testigo de Jehovacunaca cushijushpami quiquinmanga Bibliamanda yachachinga. Jipacunaman ali causangapaj quiquinbash, quiquinba familiapash imata ruranataca yachachingallami.