LECCIÓN 22
¿Imashinata quiquinbash Taita Diosmanda ali villaigucunata predicai ushapangui?
Bibliamanda cabal yuyaigucunata yachajuita ushashcamandami talvez quiquinga ‘cai yuyaicunamandaca shuj gentecunapashmi yachajuna can’ ninguipashchari. Y ciertomi can, tucuicunallatami Bibliapa cabal yachachishcacunata yachajuna can. Pero imata yachajujushcata shujcunaman parlanataca manllanguipashchari. Shinaca na manllashpa shujcunahuan cushijushpa Bibliamanda parlai ushanata yachajupashun.
1. Quiquinba rijsicunamanga ¿imashinashi Bibliamanda parlai ushapangui?
Jesuspa dicipulocunaca “ñucanchicunaca imata uyashcata, imata ricushcata parlanataca nimamanda na saquita ushanchichu” ninajurcami (Hechos 4:20). Paicunaca Taita Diospa cabal yachachishcacunata ninanda valichimandaca tucui gentecunaman predicangapaj munarca. ¿Quiquinbashchu Taita Diospa cabal yachachishcacunataca tucui gentecunaman predicangapaj munapanguiman? Shina cashpaca familiacunaman, shuj rijsicunaman o amigocunamanbash Bibliamanda parlai ushangapaca tucui oportunidadcunata aprovechangapami esforzarina capangui (Colosenses 4:6, liipangui).
Predicai callaringapaj huaquin yuyaicuna
-
Quiquinba familiamanda pihuanbash parlagrijushpaca quiquinga cashna nishpami Bibliamanda parlai ushapangui: “Cai semanataca shuj alipacha yuyaitami yachajurcani”.
-
Shuj amigo talvez irquilla o imamandapash preocupado cajpica, Bibliamanda shuj textota ricuchishpami animaita ushapangui.
-
Trabajomanda shuj compañero ‘sabadota o domingotaca ¿imatata rurarcangui?’ nishpa tapuchijpica, Bibliata estudiajushpa o reunionbi cashpa imata yachajushcatami parlai ushapangui.
-
Quiquinba amigocunaman jw.org paginata ricuchipangui.
-
Quiquin imashina Bibliamanda yachajujta ricuchunmi shujcunata invitai ushapangui o na cashpaca jw.org paginaman yaicushpa imashina Bibliata yachajui ushashcata ricuchi ushapangui.
2. Congregacionhuan predicana munaita charinaca ¿imashpata ali can?
Jesuspa discipulocunaca ali villaigucunataca na solo paicunapa rijsicunamanllachu predicarca. Jesusca “paicunataca ishcai ishcaimi cacharca. Pai rigrijushca llactacunaman y pueblocunaman ñaupashpa richunmi paicunataca cacharca” (Lucas 10:1). Chashna aliguta organizarishpa predicaimandaca, Taita Diosmanda ali villaigucunata ashtaca gentecunami uyarca. Shinallata Jesuspa discipulocunaca ishcaipura rishpa predicanataca ninandami gushtarca (Lucas 10:17). ¿Nachu quiquinbash huauquipanicunahuan tandanajushpa predicangapaj munapanguiman?
ASHTAHUAN YACHAJUPASHUNCHI
Cunanga manllaicunata mishashpa cushilla predicai ushangapaj ima ayudajtami ricugripanchi.
3. Jehovami quiquindaca ayudanga
Huaquinguna predicangapaj munashpapash, ñuca predicajujta ricushpaca imatashi gentecunaca nihuanga o imashinashi ricuhuanga nishpami ninanda preocuparin.
-
Imata yachajujushcata shujcunaman parlanataca ¿quiquinbashchu manllapangui? ¿Imamandata shina contestapangui?
VIDEOTA ricushpa, cai tapuita contestapangui:
-
Cai joven Testigocunaca ¿imashinata paicuna charishca manllaicunataca mishai usharca?
Isaías 41:10ta liishpa, cai tapuicunata contestapangui:
-
Predicangapaj manllajushpaca ¿imashpata oracionda rurana capanchi?
¿Yachaparcanguichu?
Huaquin ña bautizarishca Testigocunaca, predicaitaca nunca na ushashachu nishpami pensan carca. Por ejemplo, huauqui Sergeyca nimapa na sirvij cuenda sintirimandami, shuj gentecunahuan parlanaca paipaca difícil carca. Shinapash shuj punllaca Bibliata estudiai callarirca. Paica nircami: “Shina manllaihuan cashpapashmi ñuca imata yachajushcata shujcunamanbash parlai callarircani. Shinami ashtahuan seguro sintirircani. Y Bibliamanda yuyaicunapash ñuca shungupimi quidarca”.
4. Respetohuan parlapangui
Pihuanbash parlai callaringapaca imata ninapillaca ama pensaripaichu. Imashina ninatapash pensaripai. 2 Timoteo 2:24 y 1 Pedro 3:15ta liishpa, cai tapuicunata contestapangui:
-
Cai textocunapi tiashca yuyaicunataca ¿imashinata shujcunaman predicagrijushpaca pactachi ushapangui?
-
Huaquin familiacuna o amigocunaca quiquin yachajushcahuanga talvez na deacuerdo cangachu. Shina pasajpica ¿imatashi rurana capangui? Shinallata ¿imatata na rurana capangui?
-
Caitami crina cangui nijunapa randica ¿imashpata respetohuan parlanaca ali can?
5. Ali villaigucunamanda parlanaca cushilla sintirichunmi ayudan
Jehová Diosca paipa churi Jesusmanmi ali villaigucunata predicachun mingarca. Jesusca ¿imashinata cai responsabilidadtaca ricun carca? Juan 4:34ta liishpa, cai tapuicunata contestapangui:
-
Sano micunagucunata micunaca shinlli cachun, sano cachunbashmi ayudan. Shinaca Jehová Diosmanda ali villaigucunata predicanaca ¿imamandata Jesuspaca shuj sano micunagu cuenda carca?
-
Ali villaigucunata shujcunaman predicashpaca ¿ima bendiciongunatallata chari ushapangui?
Cai consejocunata yaipi charipai
-
Chaupi semana tandanajuipi imashina parlai callarina cashcata ali ali ricupai.
-
Reuniongunapi asignaciongunata charingapaj imata rurana cashcataca quiquinda Bibliamanda yachachijujta tapupai. Chai asignaciongunaca predicangapaj ashtahuan preparado cachun, shujcunaman imata yachajushcata parlachunbashmi ayudanga.
-
Cai libropi tiashca “Huaquingunaca, ninmi”, shinallata “Huaquingunaca, cashna nishpami tapuchita ushan” nishca partecunapi tiashca yuyaicunata, tapuicunatapash ricupangui.
HUAQUINGUNACA, “¿Imanalla? ¿Alillachu yalipashcangui?” nishpami tapuchita ushan.
-
Pipash shina parlai callarijpica ¿imashinata Bibliamanda parlangapaj chai oportunidadta aprovechapanguiman?
YARINGAPAJ
Ali villaigucunata shujcunaman parlanaca ninandami cushichin. Y shujcunahuan parlai callarinapash facilmi caita ushan.
¿Imatata yachajupashcanchi?
-
Ali villaigucunata predicana munaita charichunga ¿imata ayudanga?
-
Predicajushpaca ¿imashinata respetohuan parlai ushapangui?
-
Na manllashpa predicangapaca ¿imatata rurana capangui?
CAITAPASH RICUPAI
Tarjeta de presentación jw.org nishcahuan imashinalla predicai ushashcata ricupai.
Tarjeta de presentación jw.org nishcata saquingapaj yuyaicuna (1:43)
Ali villaigucunata predicai ushangapaj ima cualidadcunatalla charina cashcata ricupai.
“Diospa Reinomanda villachipai” (Villajun revista, septiembre de 2020)
Jovenguna cashpapash na manllashpami villachi ushapanchi. Chaitaca Bibliamanda shuj ejemplohuan yachajupai.
Na Testigo familiacunahuan imashina Bibliamanda parlai ushashcata ricupai.
Cai temacunata ashtahuan liipai
GENTECUNAPA TAPUICUNA
Testigo de Jehovacunaca ¿imashinata Bibliamandaca yachachinchi?
Testigo de Jehovacunahuan Bibliamanda yachajujushpaca quiquin charishca Bibliatallatami utilizaita ushapangui. Bibliamanda yachajujushpaca quiquinba familiata o pitapash invitaita ushapanguillami.
