Taita Diospa shimi Bibliaca cai último punllacunapi aguantashpa cati ushachunmi alipacha consejocunata cushpa ninanda ayudan (2Ti 3:1, 16, 17). Talvez ¿huahuacunata imashina viñachinata yachangapachu ayudata minishtipangui? ¿Quiquinba cusa o huarmi huañushcamandachu llaquilla sintiripangui? Joven cashpaca ¿Diosta sirvinachu shinlli ricurin? Cai temacunamanda yachajungapaca internetpi jw.org paginapimi ricuita ushapangui. Shinallata shuj temacunapapash alipacha consejocunatami tarita ushapangui (Pr 2:3-6).

Internetpi jw.org paginapi “Bibliapa yachachishcacuna” nishca partepi llapishpa, imata yachajungapaj munashcata agllapangui (primer dibujota ricupangui). Na cashpaca “Publicacionguna” nishca partepi llapishpa, jipaca “Internetpi jw.org paginapi temacuna” nishca partepi llapishpa imata yachajungapaj munashcata agllapangui (cati dibujota ricupangui). JW Library^® aplicacionbipashmi mascaita ushapangui. * Chaipica ima temacunalla tiashcatami ricuita ushapangui. Shuj temacunata mascangapaj munashpaca jw.org paginapi mascangapaj nishca partepimi mascaita ushapangui.

Mascangapaj nishca partepi cai temacunata escribipai. Chai temacunamanda imacunatalla yachangapaj munashcata anotapai:

• Huahuacunataca ali yachachipangui

• Jovengunata ayudangapaj

• Cusa o huarmi huañujpi