Taita Diosca paita sirvijcuna ungushca cajpica ninandami preocuparin. Paicunamanda parlashpami Bibliapica nin: “Nanaihuan camapi sirijujpipash, [Jehová] Diosmi ayudanga” nishpa (Salmo 41:3). Cunanga imapash ungüihuan ñana ushajushpa, imata rurai ushashcatami quimsa yuyaicunapi yachajupashun:

1.   Aguantai ushangapami Taita Diosta fuerzata mañana capangui. Tranquilo o “casilla ali causaitaca, Taita Diosmi caramunga”. Chaimi na yapata pinarishpa shinallata ñaupaman catingapapash fuerzata charipashun (Filipenses 4:6, 7).

2.   Cushilla canami ayudanga. Bibliapica ninmi: “Cushilla shunguhuan causanaca, cuerpopajpash ali jambigumi. Ashtahuangarin llaquilla shunguhuan causashpaca, tullucamanmi chaquichijun” (Proverbios 17:22). Cushilla canaca mana llaquilla canatallaca anchuchinllu. Ashtahuangarin ñucanchi cuerpopallatami ali can.

3.   Jipa punllacunapi ali causaigu tianapi pensaripai. Jipa punllacunapi ali causaigu tianapi pensarinami ima ungüihuan padicijushpapash, aguantashpa cushilla cati ushachun ayudanga (Romanos 12:12). Bibliapica Taita Diosca ñalla ungüicunata tucuchinatami villajun. Bibliapica: “Pipash na: ‘Ñucaca huañujunimi’ ninajungachu” ninmi (Isaías 33:24). Taita Diosca ungüicunataca ñallami tucuchinga. Chaitaca ni pipash na rurai ushashcachu. Shinallata mayoriaimanda imapash ungüicunata charishcatapash asha asha tucuchinatami Bibliapica nijun. Chaimi: ‘Paipaj cuerpoca, llullu huahuapa aichashna tucushpa, chairalla viñai cashca punllacunaman tigranga’ ninmi (Job 33:25).

 Nota: Testigo de Jehovacunaca Taita Dios ayudanapimi confiapanchi. Pero imapash ungüita charishpaca doctorcunapa ayudata mascapanchimi (Marcos 2:17). Shinapash cai o chai tratamientota cati nishpaimanga na pitapash nipanchichu. Cada unomi paipa saludta cuidangapaj munashpaca imagutapash aliguta ricushpa dicidina can.