Arí, cristianon kayku. ¿Imaraykun chayta niyku?

•   Noqaykuqa tukuy atisqaykutan kallpachakuyku Jesusta qatikunaykupaq, imachus yachachisqanman jina kausanaykupaqpas (1 Pedro 2:21).

•   Noqaykuq entiendesqaykuman jinaqa Jesusllan salvaqqa, “kay pachapiqa manan pitapas Diosqa ajllaranchu salvawananchispaq, aswanpas payllatan ajllaran” (Hechos 4:12).

•   Jehová Diospa testigon jina bautizakuspaqa Jesuspa sutinpin bautizakuyku (Mateo 28:18, 19).

•   Dioswan parlaspapas Jesuspa sutinpin chayta ruwayku (Juan 15:16).

•   Entiendesqaykuman jinaqa Jesusmi qhariq umanqa (1 Corintios 11:3).

 Ichaqa jujniraymi kayku wakin “cristianon kayku” niqkunamantaqa. Bibliata entiendesqaykuman jinaqa Jesusqa Diospa wawanmi, manataqmi kaqllachu kanku Dioswan Jesuswanqa (Marcos 12:29). Chaymantapas runaqa manan wañusqan qhepamanqa kausanñachu nitaqmi ima almanpas purinchu, manan nina rauraypas ni infiernopas kanchu, manataqmi noqaykupiqa pipas jatunchana sutikunawanchu churakun (Eclesiastés 9:5; Ezequiel 18:4; Mateo 23:8-10).