Kay jallp’anchisqa manan chinkachisqachu kanqa, nitaq ruphachisqachu otaq cambiasqachu kanqa. Biblian willan Diosqa kay jallp’ata runakuna chaypi wiñaypaq tiyanankupaq kamasqanta.

•   “Chanin runakunan kay jallp’ataqa jap’ikapunqaku, paykunan wiñaypaq chaypi tiyanqaku” (Salmos 37:29).

•   “Qanmi kay pachataqa cimentacionninkuna patapi allinta tajyachirqanki; manan jayk’aqpas chayqa kuyurichisqachu kanqa” (Salmos 104:5).

•   “Kay pachaqa kaqllan wiñay-wiñaypaq kashan” (Eclesiastés 1:4).

•   “Diosmi kay pachata kamarqan, kay pachata allinta tajyachirqan, manan yanqa kananpaqchu” (Isaías 45:18).

 Diosqa manan dejanqachu runakuna kay jallp’a pachata qhellichaspa, guerrakunawan otaq imawanpas chinkachinankutaqa. Aswanpas payqa kay “jallp’a pacha malograqkunataqa ch’usaqmanmi tukuchipunqa” (Apocalipsis 11:18). ¿Imaynatan chayta ruwanqa?

 Kay jallp’anchista mana allinta cuidaq gobiernokunaq rantinpin Diosqa juj gobiernota churanqa, chay gobiernoqa janaq pachamantan kamachikamunqa (Daniel 2:44; Mateo 6:9, 10). Chay gobiernopi kamachikuqqa Diospa Churin Jesucriston (Isaías 9:6, 7). Payqa kay pachapi kashaspan rikuchirqanña atiyniyoq kasqanta sinchi wayrata sayachispa (Marcos 4:35-41). Chhaynaqa Jesús kay jallp’ata gobiernaspaqa lliutan controlanqa, lliutan mosoqyachinqa, chhaynapin Edén huerta imaynachus karqan chay jina kapunqa (Mateo 19:28; Lucas 23:43).

 Manan. “Kay jallp’an ruphachisqa kanqa” niqkunaqa pantasqatan entiendeshanku. Paykunaqa 2 Pedro 3:7 textota leespan chayta ninku. Chaypin nishan: “Kay tiempopi kaq cielopas kay pachapas ninapaq waqaychasqa kashan”, nispa. Chay texto imachus nisqanta yachananchispaq allinta chay textota t’aqwirisunchis.

1.   Bibliapi cielomanta, kay pachamanta, ninamantawan rimaspaqa imaymanamantan rimashan. Ejemplopaq Salmos 97:1 textopin nishan: “¡Jehová Diosmi rey kapun! Jallp’a pacha kusikuchun. Mana yupay atina islakuna kusikuchun”, nispa. Kaypi jallp’a pacha nispaqa lliu runakunamantan rimashan.

2.   Bibliapi 2 Pedro 3:7 textoq nisqanta entiendenapaqqa ñaupaqtan allinta entiendenanchis chay capitulopi imamantachus rimashasqanta. 2 Pedro 3:5, 6 versiculokunapin rimashan Noepa tiemponpi pasasqan jatun paramanta. Chay paraqa manan kay jallp’a pachatachu chinkachirqan, aswanpas Diosta mana kasukuq millay runakunan chinkachisqa karqanku. Chay millay runakunatan Bibliaqa nin “kay pacha” nispa (Génesis 6:11). Chaymantapas “cielo” nispaqa rimashan chay tiempopi kamachikuqkunamantan. Yachasqanchis jina chay jatun parapiqa millay runakunan chinkachisqa karqanku, manan kay jallp’a pachachu. Noewan familianwanmi ichaqa salvakurqanku, chaymi paykunaqa jatun paraq pasasqan qhepaman kay jallp’a pachapi mirayta qallarirqanku (Génesis 8:15-18).

 Chhaynaqa Noepa tiemponpiqa jatun paraqa millay runakunatan chinkachirqan manan kay jallp’anchistachu. Chhaynallataqmi kay tiempopipas millay runakunaqa ninawan jina wiñaypaq chinkachisqa kapunqaku. Ichaqa manan kay jallp’anchischu chinkachisqa kanqa. Chaymantan 2 Pedro 3:7 textopiqa rimashan. Diosmi palabranpi prometewanchis: “Mosoq cielo, mosoq jallp’a pacha iman kanqa, chaypiqa chanin kausayllan kanqa”, nispa (2 Pedro 3:13). Chaypi “mosoq jallp’a pacha” nispaqa Diospa munayninman jina kausaq runakunamantan rimashan. “Mosoq cielo” nispataq juj mosoq gobiernomanta rimashan, chayqa Diospa gobiernonmi. Diospa gobiernon kamachikamuqtinqa kay pachaqa sumaq paraisomanmi tukupunqa, thaj kausaytaqmi chaypiqa kanqa (Apocalipsis 21:1-4).