Agradecido kaymanta yachaq runakunaq nisqanman jinaqa agradecido kaq runakunaqa aswan kusisqas kausanku, manas nishutapaschu onqonku, ima sasachakuytapas atipallankus, jinaspapas ratullas amigotapas tarinku. Agradecido kaymanta estudiaq Robert Emmons runaq nisqanman jinaqa agradecido kayqa yanapawanchis-si ama envidioso kanapaq, ama sintipakuq, nishu munapayaq kanapaq, ama phiñasqalla kanapaqpas. a

 ¿Imaynatan yanapan erqekunata agradecido kay? 700 wayna-sipaskunatas tawa watapi estudiasqaku, chaypi rikusqankuman jinaqa chay wayna-sipaskunamanta wakin agradecido kaqkunaqa manas examenkunapi copiakusqakuchu, ni drogakusqakuchu, nitaq maltapas portakusqakuchu.

•   Imapaqpas derechoyoq kayta piensayqa chinkachinmi agradecido kayta. Askha erqekunan imaymana allinkuna chaskisqankumanta piensanku derechonkupipas chayta chaskishankuman jinata, chhaynapitaq mana yachankuchu agradecido kayta.

   Kay tiempopiqa astawanmi chay rikukushan. Katherine nin: “Kay tiempopiqa noqallanchispas imapaqpas derechoyoq kasunman jinatan qhawarichiyta munawanchis. Radiopipas, televisionpipas chayllamantañan mastaqa rimanku. “Qanmi chaytaqa ñaupaqta chaskinayki, chaywanmi allin kanki” niq jinaraqmi imatapas willakamunku”, nispa.

•   Erqechakunaqa wawallaraq kasqankumantapachapas yachankumanmi agradecido kayta. Kaye sutiyoq señora nin: “Wawakunaqa manka ruwanapaq llamp’u t’uru jinan kanku, chaymi wawallaraq kasqankumantapacha allin ruwaykunata yachachinanchis chhaynapin allin runa kanqaku. Chayta ruwayqa juj planta rectota wiñananpaq k’aspikunata churay jinan”, nispa.

•   “Gracias” niyta yachachiy. Wawakunaqa juch’uymantapachan yachankuman “gracias” niyta. Pipas ima regalotapas qoqtinmi sumaqtapas qhawariqtinmi chayta yachachina. Chayta yachanqaku chayqa wiñasqankuman jinan ima chaskisqankutapas valoranqaku.

   Biblian nin: “Agradecekuq kaychis”, nispa (Colosenses 3:15).

   Jeffrey nin: “Nietoykuqa kinsa watanpin kashan, paymanqa tayta-mamanmi yachin “por favor” “gracias” niyta ima. Ejemplonkuwanmi yachachishanku agradecido kayta”, nispa.

•   Ruwayta yachachiy. Wawayki ima regalotapas chaskiqtin yanapay juj tarjetata ruwananpaq, chaywan “gracias” ninanpaq. Chaymantapas wasipi ima ruwanatapas ruwachiy. Chayta ruwaspaqa valoranqan wasita cuidanaykipaq ima ruwasqaykitapas.

   Biblian nin: “Qoypin aswan kusikuyqa kan, manan chaskiypichu”, nispa (Hechos 20:35).

   Beverly nin: “Wawaykuqa iskaymi, paykunaqa adolescenciapin kashanku. Paykunaqa yanapawankun wayk’uypi, limpiaypi juj ruwaykunapi ima. Chayta ruwaymi paykunataqa yanapan paykunarayku imaymana ruwasqaykuta valoranankupaq”, nispa.

•   K’umuykukuq kayta yachachiy. Imaynan wiñananpaq juj planta allin jallp’ata necesitan, chhaynatan noqanchispas agradecido kananchispaqqa k’umuykukuq kananchis. K’umuykukuq runaqa allintan reparan imaynas imatapas mana sapallanqa ruwayta atinmanchu chayta. “Gracias” nintaqmi pipas yanapariqtinqa.

   Biblian nin: “K’umuykukuywan jujkunata qankunamanta aswan allinpaq qhawariychis. Amataq munaynillaykichistaqa maskhaychischu, aswanpas jujkunaq munaynintawan maskhaychis”, nispa (Filipenses 2:3, 4).

   Tamara nin: “Cenashaspaykun pujllaq jina “gracias” niyta yachayku. Sapankaykun imamantachá “gracias” niyta munayku chayta willakuyku. Chayta ruwaymi yanapawanku allin kaqkunapi piensanaykupaq, agradecido kanaykupaq, ama noqallaykupi piensanaykupaqpas”, nispa.

 Kayta ruway: Ejemploykiwan yachachiy. Sichus qan wawaykikunata sapa kuti “gracias” ninki ima ruwasqankumantapas, jujkunatapas “gracias” nillankipuni chayqa wawaykikunaqa astawanmi yachanqaku agradecido kayta.