Sichus mayqen religionpas sonqoykita k’irirqan chayqa manañapaschá ima religionpipas confiayta munankiñachu. Ichaqa kanmi huk religión confianaykipaq hina. Kay pachapi Jesús kashaqtinqa karqanmi payta qatikuqkuna, paykunatan yachachirqan Diospa kamachisqanman hina kawsayta. Kunanpas kanmi Jesuspa yachachisqanman hina kawsaq runakuna, paykunaqa kallpachakunkun Bibliaq nisqanman hina kawsanankupaq. ¿Pikunan kanku?

Qallariypi rimasqanchis Estelan nin: “Testigokuna yachachiwaqtinkun chayraq entienderqani Bibliaq nisqankunata. May cheqaqpunin Juan 8:32 textoq nisqanqa, ninmi: ‘Cheqaqkaqtan reqsinkichis, chay cheqaqkaqtaqmi kacharichisunkichispas’”, nispa.

Raulpas ninmi: “Testigokunan Bibliawan yachachiwarqanku ñak’ariykuna kasqanmanta mana Dioschu huchayoq kasqanta. Diosqa willawanchismi imarayku ñak’ariykuna kasqanmanta, prometewanchistaqmi pisi tiempomanta tukuchinanta”, nispa.

Kay pachapi runakunaqa mana chaninkunata ruwaspan kawsanku, chayraykun paykunaq ruwasqankuta qhepanchaspa allinta kawsayqa sasa. Askha runakunan munanku Bibliamanta yachayta, chayman hina kawsaytapas. Chaymi Jehová Diospa testigonkunaqa sapa semana pachantinpi runakunaman Bibliamanta yachachinku. Waranqanpi runakunan yachashanku imatapunichus Bibliaq yachachisqanta, chhaynapin Diosman asuykushanku aswan kusisqataq kawsashankupas. *

Paykunawan tupaspaqa tapuy imarayku religionninpi confiasqankuta. Qhawariy imayna kawsasqankuta yachachisqankutapas, qan kikiyki reparay confianapaq religión kanchus chayta.