¿Yuyashankichu?

¿Ñawincharankichu Qhawaq revistakunata? Chhayna kaqtinqa atinkichá qatiq tapuykunaman kutichiyta

• ¿Imaraykun cristianokuna Diospaq hunt’aq kananchis?

Hunt’aq kaspanchisyá rikuchisun Jehová Diosta kasukuq kasqanchista munakusqanchistawan, rikuchillasuntaqmi Satanás llulla kasqantapas. Chaymantapas hunt’aqchus kanchis icha manachus chayman hinan Jehová Diosqa juzgawasun, chaymantan kanqa qhepa tiempopi imayna kananchispas (15/12, páginas 10-13).

• ¿Ima sutikunan rikuchiwanchis Diospa munaynin hunt’akunanpaq Jesuspa imaymana ruwasqan?

Sapallan churi, Simi, Amén, Mosoq rimanakuypi Diostawan runakunatawan allipunachiq, Uma Sacerdote, Prometesqa miray, nisqa sutikunan (15/12, página 26).

• ¿Imatan yachachiwanchis Elías Diosmanta mañakushanankama kamachinta: “Lamar-qocha ladota qhawamuy” nispa nisqan? (1 Rey. 18:43-45.)

Eliasqa yacharanmi imaynapi para chayananta. Arí, yacharanmi lamar-qochapi phuyuq huñukusqanta, chayta wayra hallp’a ladoman phukumuqtin paramusqanta, chaytan yachachiwanchis (1/1, páginas 12-14).

• ¿Imatan ruwananchis kusisqalla predicanapaq?

Predicasqanchisrayku runakuna imayna kawsasqankuta allichasqanmi yanapawasun kusisqa predicananchispaq. Chaymantapas estudiota tarinapaq hinan predicananchis. Predicasqanchis runakuna mana uyarikuqtinkutaq imakunatachus yachayta munanku chaykunamanta rimapayananchis (15/1, páginas 8-10).

• ¿Imaynatan Bibliaq yachachisqan yanapawasunman wañusqakunata imayna p’ampanapaq?

Runakunaqa creenkun “almaqa manan wañunchu” nisqa yachachikuypi, chayman hinataq imaymanata ruwanku wañuqkunata p’ampanankupaq. Cristianokuna waqanchisña familianchismanta pipas wañupuqtin chaypas, allintan yachanchis wañusqakunaqa wañusqa kasqankuta. Chaymi mana ruwanchischu mana allin costumbrekunataqa. Chayraykun mana phiñachinakuy kananpaq wakin cristianokunaqa imayna p’ampasqachus kayta munanku chayta qelqasqata otaq grabasqataña saqenku (15/2, páginas 29-31).

• ¿Jehová Diospa yuyaychasqanchu karan “Jaser” nisqa qelqa, ‘Señor Diospa awqa-tinkuynin nisqa qelqapas’? (2 Sam. 1:18; Núm. 21:14.)

Chay qelqakunamantaña Bibliata qelqaqkuna rimaranku chaypas manan Diospa yuyaychasqanchu karan (15/3, página 32).