Seth * cristiano nin: “Noqata esposaytapas llank’anaykumantan despediwaranku. Iskay watan familiayku gastokunawan yanapawaranku, chaymantapas imapipas llank’allaqmi kayku. Chaykuna pasasqanraykun esposay Priscilata llaki onqoy jap’iran, noqapas mana valeqpaqmi qhawarikurani.

”¿Imaynatan chay llakikuyniykuta aguantarayku? Esposay Priscilan yuyariq Mateo 6:34 textopi Jesuspa nisqanta, chaypin nin jamuq p’unchaykunamanta ama nishuta llakikunamanta. Chaymantapas, Diosmantan mañakuq chaytaq kallpata qoq seguishanallanpaq. Noqatataq consolawaran Salmo 55:22 textoq nisqan. Chaypin animawan Jehová Diosman tukuy llakikuyniykunata saqenaypaq. Kunanqa llank’anayoqmi kani, ichaqa necesitasqallaykuwanmi kausayku; chhaynapitaq Mateo 6:20-22 textopi Jesuspa nisqanta kasukushayku. Kunanqa esposaywanmi sumaqta kausayku, ichaqa astawanqa Jehová Dioswanmi aswan allin kashayku”, nispa.

Jonathanpas ninmi: “Familiantin negocio ruwasqaykun fracasapuran chaymi sinchita mancharikurani. Qolqe pisiyapuqtinmi (crisis económica) 20 watakuna llank’asqayku ch’usaqyapuran. Esposaywanmi qolqemanta discutirayku. Manañan tarjeta de creditotapas utilizayta munaraykuchu banco rechazawanankumanta.

”Ichaqa Biblian Diospa espiritun iman yanapawaranku allinta decidinaykupaq. Ima llank’anatapas aceptallaqmi kani, chhaynapin gastokunata pisiyachirayku. Jehová Diospa testigontaq kayku chayqa, hermanokunapas imaymanapin yanapawaranku. Jinaspapas animawarankun ama pisipanaykupaq”, nispa.

Raquel yuyarin: “Qosay qonqaylla wijch’uwaqtinmi nishuta renegarani, sonqoypas k’irisqan kasharan. Ichaqa Diosmanmi qayllaykurani paytaq consolawaran. Sapa p’unchaymi paymanta mañakurani, chaytaq sonqoyta thaj nichiq. Jampiykuwanmanpas jinan sientekurani.

”Biblian yanapawaran amaña sintipakunaypaq coleranaypaq ima. Noqapas Pablo jinan nirani: ‘Ama mana allin kaqwanqa atipachikuychu, aswanpas allin kaqwan mana allin kaqtaqa atipashallay’, nispa (Romanos 12:21).

”Juj hermanon yanapawaran ama chay pasasqanpi nishuta piensanaypaq. Eclesiastés 3:6 textota leespan sumaqllata niwaran ‘chinkachina tiempopas’ kanmi nispa. Nanawaranmi chay niwasqan, ichaqa chaytapunin necesitasharani. Kunanqa manañan chay problemaypi piensaniñachu, aswanpas allinñan sientekuni”, nispa.

Elizabeth nin: “Matrimoniopi t’aqanakuy kaqtinqa yanapaytan necesitanki. Juj amigaymi noqawan kuska waqaran, consolawaran, munasqatataq sientechiwaran. Jehová Diospunichá paytaqa utilizaran yanapawananpaq”, nispa.

Qallariypin Luismanta rimaranchis, payqa corazonmantan nishu mal tarikun, iskay kutipin yaqalla wañupuran. P’unchaypin 16 horakuna oxigenota necesitan. Paymi nin: “Tukuy raton Diosmanta mañakuni, chhaynapin espiritunpa kallpachasqan sientekuni. Oracionmi yanapawan ama pisipanaypaq, noqaqa seguron kashani noqapi interesakusqanmanta”, nispa.

80 watayoq Petra nin: “Imaymanatan ruwayta munani, ichaqa manan atinichu. Llakikunin kallpay pisiyapusqanmanta. Sayk’usqan sientekuni, imaymana jampita tomaspallan allin kani. Jesuspa nisqanpin mayninpiqa piensani, paymi niran: ‘Munanki chayqa kay copata noqamanta karunchay’, nispa. Ichaqa Diosqa manan chay pruebanta karuncharanchu, aswanpas kallpatan qoran. Noqatapas kaqllatataqmi yanapawan. Paymanta  mañakuspayqa jampitapas tomashayman jinan allin sientekuni”, nispa (Mateo 26:39).

Julianpas yaqa 30 watañan onqoshan manan sayayta atinchu, manataq allintañachu rikun uyarinpas, paymi nin: “Oficina sillapin tiyarani, kunantaq silla de ruedaspi tiyapuni. Ichaqa aswan allinmi sientekuni runakunata yanapaspa. Qoykukuq sonqo kayqa ñak’ariyninchistan pisiyachin, Jehová Diospas kallpachawasunmi. Noqapas Pablo jinan nini: ‘Tukuy imapaqmi kallpa qowaqniyqa kallpata qowan’”, nispa (Filipenses 4:13).

Antonio yuyarin: “Papay juj accidentepi wañupuqtinqa manan creeyta atiranichu. Chay pasasqanqa manan chaninchu noqapaqqa karan, payqa purikushallaranmi manan juchanchu karan. Manaraq wañupushaqtinqa, pisqa p’unchaymi wañusqa jina kasharan. Mamayta compañaspayqa manan ladonpi waqaranichu, ichaqa sapallay kaspaqa nishutan waqaq kani. Sapa raton niq kani: ‘¿Imarayku? Kayqa manan chaninchu’, nispa.

”Chhaynapi tarikuspayqa Jehová Diosmantan mañakushallarani imayna sientekusqayta controlakunaypaq thaj kayta qowananpaqpas. Tiempowanqa tranquilizakuranin. Yuyariranin Bibliaq kay nisqanta: ‘Sapankan imaynapipas rikukunku’. Diosqa manataq llullakunchu chayqa, seguron kashani papaywan jujmanta tupanaymanta”, nispa (Eclesiastés 9:11; Juan 11:25; Tito 1:2).

Qallariypi willasqanchis Robertpas chhaynatan piensallantaq. Ninmi: “Esposaywan Diosmanta mañakuspaykuqa Filipenses 4:6, 7 textopi nisqan thaj kaytan sienterayku. Chaymi kausarimpuy kananmanta tranquilolla periodistakunawan rimarayku. Wawaykuqa accidentepiña wañupuran chaypas, kusisqan yuyariyku imakunatachus ruwarayku chayta. Kunanqa chaykunapin piensayku.

”Wakin Testigo hermanoykun niwaranku creesqaykumanta televisionpi tranquilolla rimashaqta rikuwasqankuta. Chaymi nirayku noqaykupaq Diosman oración ruwapuwasqankurayku chhayna sientekusqaykuta. Arí, piensasqayman jinaqa, Jehová Diosmi consolawasharanku askha mensajekunaq chayamusqanwan”, nispa.

Kay experienciakunan rikuchin Diosqa ima llakikuypipas tarikuqkunata consolay atisqanta. ¿Consolasunkimanchu qantapas? ¡Riki! Imaynapiña tarikunki chaypas, yanapasunkin sasachakuyniykipi. * Paymi ‘tukuy ima llakipi kallpachaq Diosqa’ (2 Corintios 1:3).