Willawayku erqellaraq kasqaykimanta.

Italia nacionpin nacerqani 1943 watapi. Huk huch’uy llaqtapin hermanoykunawan wiñarqani. Taytayqa carpinteron karqan chakrapi iman llank’arqan. Tayta-mamayqa católico religionmanmi apawarqanku.

¿Imaraykun sacerdote kapurqanki?

Huch’uyniymantapachan gustawaq misaman rispa sacerdoteq rimasqanta uyariy. Imaymana costumbrekunata ruwasqanmi admirachiwaq, chaymi ñoqapas sacerdote kayta munarqani. Mamaymi apawarqan sacerdote kanapaq escuelaman 13 wataypi kashallaqtiyraq, astawan chaypi preparasqa kanaypaq.

¿Estudiarqankichu Bibliata sacerdotepaq preparakushaspa?

Pisillatan estudiaq kani. Huk profesorniymi qowarqan Jesusmanta willaq librokunata 15 wataypi kashaqtiy, chaykunatan sapa kuti leeq kani. Chaymantataq 18 wataypi kashaspan Roma universidadman rirqani sacerdote kanaypaq, chaypiqa papan autoridad. Chaypin yacharqani latín, griego, historia, filosofía, psicología, teologiata ima. Sapa domingonmi misapi recitaq kayku Bibliaq versiculonkunata ichaqa manan estudiarqaykuchu.

Seminariomanta encargado kashaqtiyki, ¿dictarqankichu cursokunata?

Decretos del Concilio Vaticano II nisqa cursollatan dictarqani. Astawanqa oficinapin llank’arqani.

¿Imaraykun iskayarqanki religionniykimanta?

Kaykuna raykun: Politicapin chaqrukunku, sacerdotekunaq chayman riqkunaq millaykuna ruwasqankutapas hinallatan qhawanku, yachachisqankupas manan Bibliaq nisqanwan tupanchu. ¿Imaynapin munakuq Dios runakunata castiganman infiernopi? ¿Diosninchis munanmanchu rosariota hap’ispa kaq resayllata pachak kutikunataraq payman resananchista? *

¿Ima ruwanaykipaqmi decidikurqanki?

Waqasparaqmi Diosmanta mañakurqani yanapawananpaq; Biblia de Jerusalén nisqa Bibliatan rantikurqani italiano simipi, chaytataq leeyta qallarirqani. Huk domingo tutamantantan misa ruwasqay pasayta chayamurqanku iskay Jehová Diospa testigonkuna. Paykunawanmi rimarqani iskay hora masta Bibliamanta ¿ima ninmi Biblia cheqaq religionmanta?  nisqa temamantapas.

¿Imatan rikurqanki Testigokunapi?

Paykunaqa católica Bibliapipas facil-llatan textokunata tarirqanku leepuwanankupaq, chaymi admirachiwarqan. Chay qhepamanmi visitamuwarqan Mario sutiyoq Testigo, payqa sapa sábado 9 horas tutamantantan hamuq, paraqña chikchikña chaypas seminario punkupin kasharqan.

¿Imaniqkun huk sacerdotekuna chaymanta?

Invitarqanin paykunatapas ichaqa manan mayqenninkupas munarqankuchu. Ñoqamanmi ichaqa nishutapuni gustawarqan Bibliata estudiay. Ñawpaqpiqa manan entienderqanichu imarayku Dios hinallata qhawan millay kawsayta sufriytapas chayta, kunanmi ichaqa yachani.

¿Mayqen sacerdotepas nirqasunkichu Bibliata ama estudianaykipaq?

1975 watapin Roma llaqtata askha kutita rirqani yachasqaymanta huk sacerdotekunawan rimamunaypaq. Paykunan ichaqa niwarqanku: “Pantashankin”, nispa. Manataqmi mayqenninkupas Bibliawanqa chayta rikuchiwarqankuchu. Chaymi 9 enero killapi 1976 watapi huk cartata apachirqani Roma llaqtaman, chay religionta renunciapunaypaq. Iskay p’unchaymantan ripurqani, hinaspa rirqani Jehová Diospa testigonkunaq huñunakuyninman. Chay kutiqa asamblean kasqa, askha iñiq t’aqakunataq huñunakusqaku. Sapankan Bibliayoqkama karqanku textokunata maskhanankupaq, ¡chayqa admirakunapaqmi karqan!

¿Familiaykiri ima nirqantaq?

Familiaykunaqa phiñakurqankun. Ichaqa huknin hermanoymi Bibliata estudiashasqa Jehová Diospa testigonkunawan Lombardía llaqtapi Italia nacionpa wichay ladonpi. Visitaqmi rirqani, chaypin Testigokuna yanapawarqanku trabajota conseguinaypaq wasitapas tiyanaypaq. Chay watapin bautizakapurqani.

¿Arrepientekunkichu ruwasqaykimanta?

¿Imamantataq arrepientekuymanri? Kunanqa allintan Diosta reqsini, Bibliapi paymanta yachaspan astawan payta reqsini. Manan católico religionpa nisqanman hinachu. Kunanmi ichaqa cheqaqta yachasqaymanta tukuy sonqoywan runakunaman willani.