Jesuspiqa manan ima mana allinpas karanchu, chaymi payqa mana wakin runakuna jinachu imaymana nanaykunapi tarikuran. Chaywanpas payqa anchatan llakikuran runakunamanta, chaymi imaymanata paykunapaq ruwaran. Chaytaqa khuyapayakuq kasqanraykun ruwaran. Chayta allinta yachanapaq qhaway kay capitulokunata: 32, 37, 57, 99.

Jesusqa manan nishu importantepaqchu pay kikintaqa qhawarikuq, nitaqmi nishu ocupasqa jinachu kaq, aswanmi payqa sumaqta lliutapas qhawariq, chaymi runakunaqa jatunpas juch’uypas mana manchakuspalla paymanqa achhuykuqku. Chaytan reparasunman kay capitulokunapi: 25, 27, 95.

Jesusqa tukuy sonqowanmi Diosmanta mañakuq sapanpi kashaspapas iñiqkunawan kashaspapas. Payqa manan mijunallapaqchu mañakuq, mañakullaqtaqmi Yayanta agradecekunanpaq, alabananpaq, yanapayninta chaskinanpaqpas. Chaytan qhawarisunman kay capitulokunapi: 24, 34, 91, 122, 123.

Mayninpin Jesusqa samanan ratota qonqasparaq jujkunata yanapaq. Payqa manan allinnillantachu maskhaq. Chaywanmi llapanchispaqpas allin ejemplota saqeran. Chaytan rikusunman kay capitulokunapi: 19, 41, 52.

Jesusqa manan rimaspallachu rikuchiran perdonakuq kasqantaqa, aswanpas pay kikinmi discipulonkunata juj runakunatapas perdonaran. Chaypaq qhawarisunman kay capitulokunata: 26, 40, 64, 85, 131.

Willasqañan kasharan yaqa llapa judiokuna Cristota mana chaskinankumanta, paytaqa enemigonkunan wañuchinan karan. Chayta yachashaspapas Jesusqa tukuy sonqowanmi paykunaman Diosmanta willaran. Chaywanmi allin ejemplota saqewaranchis. Qhaway kay capitulokunata: 16, 72, 103.

Jesusqa tukuy imapipas aswan allinmi karan lliu runamantapas. Mana ima juchayoqtaq karan chayqa, allintan imatapas ruwaq. Chaywanpas k’umuykukuspan jujkunata serviran. Chaytan rikusunman kay capitulokunapi: 10, 62, 66, 94, 116.

Jesusqa pacienciakuqmi apostolninkunawan juj runakunawanpas. Pacienciawanmi wakin yachachisqantapas yuyarichiq, chhaynapi Jehová Dioswan allinpi kanankupaq. Chaypaq qhawarisunman kay capitulokunata: 74, 98, 118, 135.