Kay 2022 watapi, febrero killapin 24 p’unchay illarimuypaq Rusia nación soldadokuna Ucrania nacionman phawaykusqaku. Mundontinpi yaqa llapa jatun autoridadkunan kallpachakusharanku chay pasananta jark’anankupaq, ichaqa manan atinkuchu. Kay guerraq qallarisqanwan imakunachus pasananmantan Naciones Unidas nisqamanta wiraqocha António Gutierres nin: “Maytachus runakuna sufrinqa, llapa Europa ladopas, llapa mundopas imakunapichus tarikunqa chaykunaqa manan kunanqa allintaqa yachakunmanraqchu”, nispa.

•   Jesusqa ñan willaranña chaykuna pasananta, niranmi: “Juj nacionmi juj nación contra jatarinqa, juj llaqtataq juj llaqta contra jatarinqa”, nispa (Mateo 24:7). Imaynas guerrakuna kananta Biblia willaranña chayta astawan yachanaykipaq leey “¿Cuál es la señal de “los últimos días” o de “los tiempos finales”?” nisqa yachachikuyta.

•   Apocalipsis libropin guerrata tupanachishan “sansa color jina puka” caballopi sillakuq runawan, paymi “kamachisqa karan kay pachamanta thaj kayta qechunanpaq” (Apocalipsis 6:4). Chaymanta astawan yachanaykipaq leey “¿Imatan representan caballopi phawaqkuna?” nisqa yachachikuyta. Chaypin allinta entiendenki imaynas guerrakunapas chaypi nisqanman jina kashan chayta.

•   Daniel libropin rimashan “wichay lado” reymanta “uray lado” reymantawan, paykunaqa manan allintachu apanakunanku karan (Daniel 11:25-45, TNM). Kay tiempopiqa Rusian wichay lado reyqa. Imaraykus Rusiata yanapaqnin nacionkunatawan “wichay lado rey” nikun chayta yachanaykipaq qhaway Daniel 11 capitulomanta profeciakuna junt’akusqan nisqa videota. a

•   Apocalipsis libropiqa rimashallantaqmi “tukuy atiyniyoq Diospa jatun p’unchaynin” guerramanta (Apocalipsis 16:14, 16). Ichaqa chayta nispaqa manan nacionkunapura guerrata ruwanankumantachu rimashan. Chhaynaqa, ¿ima guerramantan rimashanman? Chayta yachanaykipaq leey “¿Qué es el Armagedón?” nisqa yachachikuyta.

•   Bibliaq willasqanman jinaqa Diosmi “kay pachapi guerrata” tukuchinqa (Salmos 46:9). Imakunatachus Dios kay pachapaq munashan chayta astawan yachanaykipaq leey “La esperanza real de un mañana mejor” nisqa yachachikuyta.

•   Jesusmi qatikuqninkunata yachachirqan Diospa gobiernon jamunanta mañakunankupaq (Mateo 6:9, 10). Chay gobiernoqa janaq pachapin kashan, chay gobiernon kay pachapi tukuy ima mana allinta tukuchinqa, jinaspa lliu pachantinpi thaj kusayta churanqa. Imachus Diospa gobiernon chayta astawan yachanaykipaq qhaway ¿Iman Diospa gobiernon? nisqa videota.

 Ucrania nacionpiqa 129.000 Testigokunan kashan. Paykunapas lliu kay pachapi Testigokuna jinan kanku, Jesús jinan mana imamanpas chhaqrukunkuchu. Manan política nisqapipas ni guerrapipas participankuchu (Juan 18:36). Aswanmi paykunaqa “Diospa gobiernonmanta allin willakuykunata” willashanku (Mateo 24:14). Chay gobiernollan kay pachapi ima ñak’ariytapas guerrakunatapas qolluchinqa, chinkachinqa. Bibliaq willasqanmanta astawan yachayta munanki chayqa, kayman jaykuspa qelqamuwayku.