Salmos 2:1-12
2 ¿Imaraykun nacionkuna ch’aqwata sayarichishanku?
¿Imaraykun llaqtakuna mana allin kaqkunata yuyaykushanku?+
2 Jehová Dios contran kay pacha reykunaqa sayarishanku,ajllakusqan* contran paykunaqa rimanakushanku,+llapa autoridadkunan juj nisqalla juñukushanku.+
3 Paykunan nishanku: “Cadenakunata p’itisun,*waskhakunata paskasun”, nispa.
4 Janaq pacha trononpi tiyaqmi paykunamanta asikunqa,Jehová Diosmi paykunamanta asikunqa.
5 Chay tiempopin payqa phiñakuyninpi rimarinqa,k’araq phiñakuyninpin paykunata khatatatachinqa.*
6 Paymi ninqa: “Ñan juj reyta ajllakuniña,*+Sionpin, ch’uya orqoypin kamachikushanña”,+ nispa.
7 Jehová Diospa kamachikusqantan willasaq,paymi niwarqan: “Qanqa churiymi kanki,+kunanmantan taytayki kapuni.+
8 Mañakullaway, nacionkunatan herenciata jina qosayki,jallp’atapas llapallantan qanman qosayki.+
9 Fierro kamachina varawanmi nacionkunata ñut’unki,+t’uru mankata jinan paykunata chhallunki”,+ nispa.
10 Chhaynaqa, reykuna, allin reparaq kaychis,kay pacha juezkuna, anyasqata chaskikuychis.
11 Manchakuywan Jehová Diosta serviychis,admiraywan kusikuychis.
12 Churita jatunchaychis,*+ mana chayqa Diosmi phiñakunqa,chhaynapitaq chanin ñanmanta chinkapunkichis,+phiñakuyninqa usqhayllan raurarin.
¡May kusisqan llapa paypi pakakuqkunaqa!
Uraypi willakuykuna
^ Chaypiqa “Mesiasnin” otaq “Criston” nillanmantaqmi.
^ P’itiytaqa “t’ipiy” nillankutaqmi.
^ Khatatataytaqa “kharkatiy” nillankutaqmi.
^ Chaypiqa “churaniña” nillanmantaqmi.
^ Hebreo rimaypiqa “much’aykuychis” ninmi.
