Hurqunapaq:

• Imam kaq

1. 1. Qamuq punchawpiyá piensasun,

   sumaq huertapiyá yuyaymanasun.

   Kusisqallañamá

   llapallanchik kawsakullasunchik.

   Manañam pipas unqunqañachu,

   manañam pipas waqallanqañachu.

   Warmachakunapas

   hawkallañamá pukllallanqaku.

   Sumaq huertapi

   kawsakusqanchikpiñayá

   yuyaymanasunchik.

   (CORO)

   Sumaq huertapiñayá

   llapallanchik yuyaymanasun.

   Wiña-wiñaypaq kawsakuyqa

   kayllapiñamá kachkan.

   Chaypiyá piensasun.

2. 2. Jesus kamachiwaptinchikqa,

   yakukunam chaki allpapi tuqyanqa.

   Waytachakunapas

   tukuy hinastinpim wiñanqa.

   Suma-sumaqllañamá

   tukuy imapas kakullanqa.

   Wañukuqkunapas

   kusikunapaqmá kawsarimunqaku.

   Chay punchawpiqa

   ayllunchikwanmá

   tupaykullasunchik.

   (CORO)

   Sumaq huertapiñayá

   llapallanchik yuyaymanasun.

   Wañukuq ayllunchikkunawanpas

   tupaykullasunchikmá.

   Chaypiyá piensasun.

   (YAPAN)

   Jehova Diosninchikmá

   nisqankunata ruwallanqa.

   Kuyakuyninpimá payqa

   llakinchikkunata chinkachinqa

   (CORO)

   Sumaq huertapiñayá

   llapallanchik yuyaymanasun.

   Wiña-wiñaypaq kawsakuyqa

   kayllapiñamá kachkan.

   Chaypiyá piensasun.

   Musuq pachaqa

   kayllapiñam kachkan.

   Chaypiyá piensasun.