Runakunata Dios unanchaspanqa mana onqospa chaynataq mana wañuspa kay Pachapi wiñaypaq kawsanankutam munarqa. Ichaqa Adanmi chayna kawsakuyta yanqacharurqa mana kasukusqanrayku. Adanpa mirayninmanta kasqanchikraykum llapallanchik wañunchik (Romanos 5:8, 12; 6:23). Chaymi Jehova Diosqa Churin Jesusta kachamurqa rantinchikpi wañuspan wañuymanta librawananchikpaq. (Leey Juan 3:16.)

Jesucristo rantinchikpi wañusqanwanmi favorecesqa kanchik huchanchikmanta pampachasqa kanapaq chaynataq kay Pachapi wiñay kawsayta haypanapaqpas. Bibliam willawanchik chaypiqa manaña yuyaqyaspa, manaña onqospa chaynataq manaña wañuspa kawsananchikmanta. (Leey Isaias 25:8; 33:24; Apocalipsis 21:4, 5.)

Wañunanpaq huk tutallaña faltachkaptinmi Jesusqa discipulonkunaman kamachirqa wañusqanta yuyarinankupaq. Wañusqanta sapa wata yuyarisqanchikmi Jehova Dios chaynataq Jesucristo ancha kuyawasqanchikta yuyarichiwanchik. (Leey Lucas 22:19, 20; 1 Juan 4:9, 10.)

Kay watapim 14 abril punchawpi Inti seqaykuyta Jesuspa wañukusqanta yuyarinapaq huñunakuy karqa. Chay huñunakuymanmi Jehova Diospa testigonkunaqa achka runakunata invitarqaniku. (Leey Romanos 1:11, 12.)