‘Señalasqa tiempoqa’ chayaykamuchkanñam

HABACUC hinam, Jesuspa qatiqninkunapas munarqaku mana allinkuna chinkananta. Chaymi Diospa Gobiernon imakuna rurananmanta qatiqninkunaman Jesus yachachiptin, paykuna tapurqaku: “¿Haykapitaq kay nisqaykikunaqa kanqa? ¿Imaynataq yachasaqku kutimunaykimantaqa hinaspa kay pacha puchukananmantaqa?”, nispa (Mateo 24:3). Jesusñataqmi nirqa Jehová Dioslla haykapi kay Pachata Gobiernonwan munaychakunanmanta yachasqanta (Mateo 24:36; Marcos 13:32). Chayna kaptinpas, Jesusqa chaynataq Bibliata wakin qellqaqkunapas willakurqakum chay ‘señalasqa tiempo’ chayaykamuchkaptin imakuna pasananmanta. Kaymanta astawan yachanaykipaqmi qawariwaq alleq lawpi  recuadrota.

¿Manachu kaykunata qawachkanchik kunan tiemponchikpi? Chaymantapas Jesusqa willakurqañam ‘señalasqa tiempo’ chayaykamuchkaptin Bibliamanta yachachikuy enteron pachapi kananmanta, nirqam: “Diospa munaychakusqanmanta kay allin noticiam willakusqa kanqa enterollan kay pachapi chaynapi llapallan nacionpi runakuna yachananpaq, chayñam kay tiempoqa tukunqa”, nispa (Mateo 24:14).

Chaytam Jehová Diospa testigonkunaqa kunanpuni rurachkanku. 7 millon masnin testigokunam 236 nacionkunapi hinaspa llaqtakunapi runakunata watukunku Diospa Munaychakuyninmanta hinaspa kamachikuyninkunata yachachinankupaq. Qampas Diospa Munaychakuyninmanta hinalla yachaspaykiqa, mana ñakarispam wiñaypaq kawsakunki.

[31 kaq paginapi recuadro]

 ‘Señalasqa tiempo’ hichpallapiña kasqanta qawachiq textokuna

MATEO 24:6, 7; APOCALIPSIS 6:4

• Ima tiempomantapas hatun guerrakuna

MATEO 24:7; MARCOS 13:8

• Terremotokuna

• Muchuykuna

LUCAS 21:11; APOCALIPSIS 6:8

• Onqoykuna

MATEO 24:12

• Mana allinkunam mirarun

• Kuyakuymi chiriyarun

APOCALIPSIS 11:18

• Wayrapas yakupas qachachasqam

2 TIMOTEO 3:2

• Qollqellatam kuyanku

• Tayta-mamankutam mana kasukunkuchu

• Kikillanpaqmi munanku

2 TIMOTEO 3:3

• Manam familiapi kuyanakunkuchu

• Manam pampachanakuyta munankuchu

• Manam controlakunkuchu

• Allin ruraykunatam cheqninku

2 TIMOTEO 3:4

• Dios yupaychanankumantaqa kikinkupa munasqanpim purinku

2 TIMOTEO 3:5

• Yanqallam Diosta serviq tukunku

MATEO 24:5, 11; MARCOS 13:6

• Yanqa willakuqkuna

MATEO 24:9; LUCAS 21:12

• Cheqap cristianokunatam cheqninku

MATEO 24:39

• Manam kasukunkuchu Bibliapa yachachisqanta

[31 kaq paginapi dibujo]

Jehová Diospa testigonkunaqa Diospa Gobiernonmantam enteron pachapi willakunku