Chiqninakuyqa manañam kanqañachu
Manaña chiqninakunapaq kallpanchakuptinchikpas, wakin runakunaqa hinallam tukuy mana allinkunata ruwachkanku chiqninakuy kananpaq. Chaywanqa inocente runakunam hinalla ñakarichkanku. ¿Pitaq chiqninakuyta chinkachiyta atinman?
Bibliapim niwanchik chiqninakuytaqa Jehova Dioslla chinkachinanmanta (Proverbios 20:22).
CHIQNINAKUYTA QALLARICHIQKUNATAM DIOSQA CHINKACHINQA
-
1. SATANAS DIABLOTA. Diospa contranpi hatariq satanaswan sutichasqa angelmi chiqninakuytaqa qallarichirqa. Ichaqa Diosmi satanastawan chiqnikuqllaña runakunata qalaypaq chinkachinqa (Salmos 37:38; Romanos 16:20).
-
2. SATANASPA MUNAYCHAKUSQAN RUNAKUNATA. Satanasmi munaychakun politicapi kaq runakunata, pantayta yachachiq religionkunata chaynataq hatun negociantekunata. Paykunapa tukuy mana allinkuna ruwasqankuwanmi chiqninakuykuna kan, chaymi Diosqa paykunata chinkachinqa (2 Pedro 3:13).
-
3. HUCHATA. Runakunaqa huchallikuq kasqanchikraykum chiqnikuq kanchik hinaspa mana allinkunata ruwanchik (Romanos 5:12). Ichaqa Diosmi huchallikuq kayninchikta chinkachinqa. Chaymi manaña chiqninakuspa hawkaña kawsakusunchik (Isaias 54:13).
BIBLIAPIM NIWANCHIK MANAÑA CHIQNINAKUSPA KAWSAKUNAMANTA
-
1. MANAÑAM ÑAKARISUNÑACHU. Hanaq pachamanta Dios kamachimuwaptinchikqa manañam imawanpas ñakarisunñachu (Daniel 2:44). Aswanqa hawkañam wiñaypaq kawsakusunchik (Lucas 18:7).
-
2. HAWKAÑAM KAWSAKUSUNCHIK. Manañam kanqachu guerrapi wañuchinakuykunaqa nitaq maqanakuykunaqa (Salmos 46:9). Kay pachapiqa hawkalla kawsakuy munaq runakunallam wiñaypaq kawsakusunchik (Salmos 72:7).
-
3. KUSISQAM KAWSAKUSUNCHIK. Maymantaña kaspanchikpas llapallanchikmi kuyanakuspa kawsakusunchik (Mateo 22:39). Kunan tiempopi imawanpas ñakarisqanchikta qunqaspanchikmi kusisqaña kawsakusunchik (Isaias 65:17). Chiqninakuy manaña kaptinqa llapallanchikmi ‘kusisqa hawkayaypi kawsakusunchik’ (Salmos 37:11).
¿Munawaqchu manaña chiqninakuspa hawka kawsakuyta? Jehova Diospa testigonkunaqa kunan tiempopipas mana chiqninakuspankum hawka kawsakunku. ¿Imataq yanapan chayna kawsakunankupaq? Bibliapi yachachikuykunam (Salmos 37:8). Chaywanmi Jehova Diospa testigonkunaqa maymantaña kaspankupas turi-ñañantin hina kuyanakuspanku huk sunqulla kawsakunku (Isaias 2:2-4).
Munaptikiqa Jehova Diospa testigonkunam kuyakuywan bibliamanta yachachisunki, chaynapi hawkaña kawsakunaykipaq. Bibliamanta yachasqaykikunam yanapasunki llapallan runakunawan manaña chiqninakuspa hawka hinaspa kusisqa kawsakunaykipaq. Yachankitaqmi Dios kamachimuspan chiqninakuyta chinkarachiptin wiñaypaq kawsakunaykipaq imakuna ruwanaykimantapas (Salmos 37:29).
Kaykunatapas leeykuy
WILLAKUQ
¿Imaynañam Jesus kamachiptin kawsakusun?
Jesusqa yacharqam taytan Jehova Diospa munaychakuynillan tukuy imata allichananmanta.
