Qamta runakuna mana chiqnisuptikipas uyarirqankichá utaq qawarqankichá huklawmanta kasqankurayku utaq imayna kasqankurayku runakunaqa chiqnikusqankumanta. Chaymi autoridadkunaqa leykunata churanku runakuna chiqninakuspa ima mana allintapas ama ruwanankupaq.

Chiqnisqanku runa vengakuptinmi chiqninakuyqa astawanraq kan.

Runakunaqa chiqninakusqankuraykum wañuchinakunku, maqanakunku, kaminakunku, tukuy mana allinkunata ruwanakunku.

Kay qillqapim yachasun mana chiqninakuspa hawka kawsakuyta atinanchikmanta. Yachasuntaqmi qatiqnin tapukuykunamantapas:

• ¿Imanasqataq runakunaqa llumpayta chiqninakunku?

• ¿Imaynam kananchik mana chiqninakuq kanapaq?

• ¿Atichwanchu manaña chiqninakuspa kawsakuyta?