¿Yuyachkankichu?

¿Leerqankichu qaynakunalla chaskisqayki Llaqta Cuidaq revistakunata? Hinaptinqa, yaqapaschá kay tapukuykunata kutichiwaq:

¿Imapitaq yanapawachwan Salomonpa vidanmanta yachasqanchik?

Jehová Diosmi Salomonta bendecirqa hinaspapas munayninta rurananpaqmi servichikurqa. Salomonmi ichaqa Diospa kamachisqankunata mana kasukurqachu. Faraonpa warmi churinwan casarakuruspanpas, taytacha-mamacha yupaychaq achka warmikunawanraqmi casarakurqa, chay warmikunam Salomontaqa Jehová Dios yupaychayninmanta karuncharachirqa. Kaymi ñoqanchiktapas yachachiwanchik mana allin piensaykunamanta cuidakunanchikpaq (Deu. 7:1-4; 17:17; 1 Rey. 11:4-8) (15/12, 10-12 paginakunapi).

¿Imanasqam nichwan punta cristianokunapa tiemponmantapacha cheqap cristianokuna kay Pachapi hinalla kasqankumanta?

Jesusmi huk kaqnin rikchanachisqanpi rimarqa ‘trigomanta’ chaynataq ‘cebadillamanta’. ‘Allin muhukunaqa’ hanaq pachapaq akllasqa kaqkunam kanku (Mat. 13:24-30, 38). Cebadillaqa trigowan kuskam wiñanan karqa cosecha tiempokama. Manam yachanchikchu trigoman rikchakuq cristianokuna pikuna kasqantaqa, ichaqa nichwanmi punta cristianokunapa tiemponmantaraq kunankama hanaq pachaman riq cristianokuna kay Pachapi hinalla kasqankumanta (15/1, 7 paginanpi).

¿Imaynatam envidiakuq kayta atipachwan?

Chaypaqqa kaykunatam rurachwan: iñiqmasinchikkunata kuyanapaqmi kallpanchakuna, Diosman sonqo kaqkunawanmi amistadta rurana, allin kaqkunatam rurananchik hinaspapas ‘kusikuqkunawanmi kusikunanchik’ (Rom. 12:15) (15/2, 16-17 paginankunapi).

¿Imakunatam rurana pitapas consejaspa?

Imayna tarikusqanmanta allinta yachay. Ama chayllaqa kutichiychu. Diospa Palabranpi hapipakuy. Atikuptinqa, Bibliamanta qellqanchikkunata servichikuy. Ama hukkunapa rantinpiqa tanteaychu (15/3, 7-9 paginankunapi).