“Kichki punkuwan kichki ñanmi ichaqa kawsayman apakun, chaytaqa asllam tarinku” (Mateo 7:14).

¿Imanasqam Diosqa mana llapan religionkunatachu chaskin?

• Mateo 7:21-23

  Diosqa manam chaskinchu paypa munasqanta mana ruwaq religionkunataqa.

• Mateo 7:13, 14

  Chiqap religionqa wiñay kawsaymanmi pusawanchik. Pantay religionñataqmi wañuyman apakun.

• Mateo 7:16, 17

  Atichwanmi chiqap religionta riqsiytaqa imapas allin ruwasqanpi. Chaypaqqa manam lliw religionmantaraqchu yachananchik, aswanqa bibliamanta yachaspallanchikmi.

• 1 Tesalonicenses 2:13; 2 Timoteo 3:16, 17

  Bibliapa nisqallanpi iñiy hinaspa yachachiy.

• Mateo 4:10; Juan 17:6

  Jehova Diosta yupaychay hinaspa sutinmanta mañakuy.

• Juan 13:35

  Kuyaytaq Diosta yupaychaqkunatapas.

• Juan 3:36; Hechos 4:12

  Jesuspa yachachisqanman hina ruway. Diosqa Jesuswanmi rantiwarqanchik.

• Juan 18:36; Hechos 5:29

  Ama sayapakuychu autoridadkunamanqa.

• Mateo 6:10; 24:14

  Runakunaman yachachiy imapas sasachakuyninchikta Dioslla allichananmanta.

¿Imatam ruwanayki yupaychasqaykita Dios chaskinanpaq?

• Santiago 2:19

  Manam Diospi iñiyllachu. Bibliapi Jehova Diospa nisqantam kasukunayki.

• Isaias 52:11; Apocalipsis 17:5

  “Hatun Babilonia” utaq pantay religionkunaqa manam Diospa munasqanman hinachu runakunata yachachinku. Wakin pantay yachachisqankunam hukllapi kimsa dioskuna, almapa mana wañusqan hinaspa infierno.

• Apocalipsis 18:4, 8

  Jehova Diosqa ñam puchukachinqaña pantay religionkunataqa. Chaymi lluqsikunayki pantay religionmantaqa.

• Marcos 10:28-30

  Ichapas Jehova Diosta yupaychanaykipaq pipas harkakusunkiman, ichaqa Jehova Diosqa manam saqisunkichu.