47 YACHACHIKUY
¿Tantiakurunkiñachu bautizakunaykipaq?
Kunankamaqa allintañam Jehova Diosmanta yacharunki. Hinaspapas kallpanchakuchkankiñachá yachasqaykiman hina kawsakunaykipaq. Chaywanpas ichaya manaraq tantiakunkichu Diosllapaqña kawsakunaykipaq hinaspa bautizakunaykipaq. Wakinqa sasatam bautismoman chayarqaku. Chaymi kay yachachikuypi yachasunchik bautizakunankupaq sasachakuykunata imayna atipasqankumanta.
1. ¿Lliwtachu bibliamanta yachanayki bautizakunaykipaq?
Bautizakunaykipaqqa bibliamantam “imam kaqta” yachanayki (1 Timoteo 2:4). Ichaqa kaykamallaqa manam qalay-qalaytachu bibliamantaqa yacharunki. Unay wataña bautizasqa kaqkunapas hinallaraqmi bibliamantaqa yachachkanku (Colosenses 1:9, 10). Chayna kaptinpas bautizakunaykipaqqa imam kaqtam Jehova Diosninchikmanta yachanayki. Maymi huñunakusqaykipi punta apaqkunam yanapasunki bautizakunaykipaq hinaña kasqaykita yachanaykipaq.
2. ¿Imakunatam ruwanayki manaraq bautizakuchkaspayki?
Bibliam niwanchik: “Huchaykichikmantayá wanakuychik hinaspa Diosman kutirikuychik”, nispa (leey Hechos 3:19). Manaraq bautizakuchkaspaykim huchaykikunamanta wanakunayki, hinaspam Diosta mañakunayki pampachaykusunaykipaq. Manañataqmi kaqmantaqa mana allinkunataqa ruwanaykiñachu, aswanqa Diospa munasqanman hinañam kawsakunayki. Manaraq bautizakuchkaspaykipas huñunakuykunamanqa rinaykiñam, Diosmantapas willakunaykiñam.
3. ¿Imanasqataq bautizakuytaqa mana manchakunaykichu?
Pantaq kasqanchikraykum imapipas pantasun, ñawpaq tiempopi Diosta serviqkunapas wakinpiqa pantarqakum. Jehova Diospas yachanmi pantaq kasqanchikta (leey Salmos 103:13, 14). Chayraykum bautizakuruspa imapipas pantaruyta manchakusqaykiqa mana harkasunaykichu bautizakunaykipaqqa. Diosqa ancha-anchatam kusikunqa atisqaykiman hina ruwasqaykiwan, chaymantapas payqa kuyasuspaykim tukuypi yanapasunki. Manam imapas “Diospa kuyakuyninmantaqa rakiwachwanchu” (leey Romanos 8:38, 39).
ASTAWAN YACHAYKUSUN
Bautizakunaykipaqqa Diosmantam astawan yachanayki hinaspam kuyanayki, chaykunam yanapasunki bautizakunaykipaq. Chaymantam kaypi yachaykusunchik.
4. Jehova Diosmanta allinta yachay
Diosmanta astawan yachaspaykiqa astawanmi payta kuyanki hinaspam munasqanman hina kawsakunki. Biblia estudiaqkunatam Diosmanta astawan yachasqanku yanaparqa bautizakunankupaq. VIDEOTA qawaykuychik hinaspa qatiqninmanta rimariychik:
-
¿Imakunataq yanaparqa biblia estudiaqkunata bautizakunankupaq?
Leeychik Romanos 12:2 hinaspa qatiqninmanta rimariychik:
-
Qamqa, ¿bibliapa yachachikuyninkunamanta iskayrayankichu? ¿Jehova Diospa testigonkunaqa imam kaqtachu yachachiniku?
-
Iskayrayaspaykiqa, ¿imapaqmi kallpanchakuwaq?
5. Ima sasachakuy kaptinpas atiwaqmi bautizakuytaqa
Tukuymi sasachasunki Diosllapaqña kawsakunaykipaq hinaspa bautizakunaykipaqqa. ¿Imam yanapasunkiman chaykunata atipanaykipaq? Chaypaq VIDEOTA qawaykuychik hinaspa qatiqninmanta rimariychik:
-
Videopi qawasqanchik sipasqa ¿ima sasachakuykunapim tarikullarqa Diosta servinanpaq?
-
¿Imam yanaparqa chaykunata atipananpaq?
Leeychik Proverbios 29:25 hinaspa 2 Timoteo 1:7, chaymantañataq qatiqninmanta rimariychik:
-
¿Pitaq kallpata quwasunchik ima sasachakuykunatapas atipanapaq?
6. Jehova Diosmi yanapasunki
Diosqa munasqanman hina kawsakunaykipaqmi yanapasunki. VIDEOTA qawaykuychik hinaspa qatiqninmanta rimariychik:
-
Videopi qawasqanchik runaqa ¿imanasqataq bautizakuyta mana munarqachu?
-
¿Imataq yanaparqa bautizakunanpaq?
Leeychik Isaias 41:10, 13 hinaspa qatiqninmanta rimariychik:
-
¿Imanasqataq mana iskayrayanchikchu bautizakuruptinchik Dios yanapawananchikmanta?
7. Dios kuyasusqaykimanta agradecekuy
Jehova Dios kuyasuspayki yanapasusqaykipi sapa kuti yuyaymanaspaykiqa paytam agradecekunki, chaymi kallpanchasunki payta tukuy sunquykiwan servinaykipaq. Leeychik Salmos 40:5 hinaspa qatiqninmanta rimariychik:
-
¿Imakunamantataq Diosta agradecekunki?
Jeremiasqa Diostam anchata kuyarqa, chaymi kusikurqa paypa serviqnin kaspan hinaspa paymanta willakuspan. Chaymi nirqa: “Palabraykikunawanmi ancha-anchata kusikurqani, sunqullaypas tiyaykurqam, ñuqaqa sutikimantam rimani”, nispa (Jeremias 15:16). Qatiqninmanta rimariychik:
-
¿Imanasqataq ancha kusikunapaq Jehova Diospa testigon kayqa?
-
¿Munawaqchu Jehova Diospa testigon kayta?
-
¿Imataq harkasunki bautizakunaykipaq?
-
¿Imakunapiraqtaq kallpanchakuwaq bautizakunaykipaq?
WAKIN RUNAKUNAM NINKU: “Bautizakuruspay Diosta mana kasukunaymantam manchakuni”, nispanku.
-
¿Chaynatachu qampas piensanki?
YUYARIYKUSUN
Diospa yanapakuyninwanqa ima sasachakuyña kaptinpas atinkim bautizakuytaqa.
¿Ima niwaqtaq?
-
¿Bautizakunaykipaqqa lliwtaraqchu bibliamanta yachanayki?
-
¿Imakunatam ruwanayki manaraq bautizakuchkaspayki?
-
¿Imanasqataq bautizakuytaqa mana manchakunaykichu?
ASTAWAN YACHANAYKIPAQ
¿Imanasqataq bautizakunayki? Chaymanta kaypi leeykuy.
“¿Tantiakurunkiñachu bautizakunaykipaq?” (Willakuq, marzo 2020)
¿Imaynatataq atipawaq sasachakuykunata chaynapi bautizakunaykipaq? Chaymanta kaypi leeykuy.
“¿Imaraqtaq faltawan bautizakunaypaq?” (Willakuq, marzo 2019)
Huk runam bautizakunanpaq mana allin ruwaykunata saqinanpaq anchata kallpanchakurqa. Paymanta videopi qawaykuy.
Taytanchik Jehovapa yanapakuyninwanqa saqichwanmi imapas mana allin ruwasqanchikta (1:10)
Huk runam Diosta serviyta munachkaspanpas bautizakunanpaq iskayrayarqa, ¿imataq payta yanaparqa? Chayta yachaykunaykipaq videota qawaykuy.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
